Savalimmiut Kalaallit Nunaallu aalisarnermik isumaqatigiissuteqartut
Savalimmiut Kalaallit Nunaallu Københavnimi ulluniu marlunni isumaqatigiinniarelutik 2008-mi aalisagartassat pillugit isumaqatigiissut nutaaq atsiorpaat.
Savalimmiormiut aalisariutaat isumaqatigiissut naapertorlugu 2008-mi kalaallit nunaata imartaata naqqani aalisakkanik 750 tonsinik pisaqarsinnaatitaapput - taakkunannga Tunumi saarulliit 350 tonsit. Saniatigut aamma savalimmimiormiut kalaalliut nunaata kangiata avannaani misilittaalluni raajarniarsinnaanerannut periarfissaat pitsanngoriartinnqarput.
Aalisariutit amerlasuut pigiinnarneqarput
Illuatungaatigut kalaallit aalisariutaat savalimmiut imartaani ammassassuarnik norhavssild-inik 4.000 tonsinik aammalu immap naqqarmiuni 350 tonsinik pisaqarsinnaatitaassapput.
Taamaattoq piumasaqaataavoq, saarulliit kullerillu saniatigut pisarisuukkat 20 procentit sinnersimassanngikkaat.
Savalimmiut Kalaallit Nunaallu 1997-imili aalisagartassanik ukiut tamaasa isumaqatigiissuteqartarput.
Nunat taakku marluk aallartitaasa erseqqissarpaat, isumaqatigiissutit tamakku Kalaallit Nunaanni Savalimmiunilu aalisakkanik suliffissuarnut pingaaruteqartut, taamaattumillu aamma nunat taakku aalisariussuisa amerlasuut pigiinnarnissinnaanerannut peqqutaaqataalluinnartut, politiken.dk allappoq.