Sermitsiaq.gl suli siumukarpoq
300.000-ingajaat Sermitsiap netaviisia qaammatit tamaasa takusarpaat.
sermitsiaq.gl-ip siuariartornera ingerlaannarpoq - Kalaallit Nunaanni internetikkut nutaarsiassaqartitsiviit annertunersaat naatsorsuutit akuerisaasut kingullerpaat naapertorlugit qaammatit tamaasa 289.790-init takuneqartarsimavoq, quppernit 854.323-it takuneqartarsimallutik. Ikinnerpaamik 51.350-it ammaasartuullutik nalissaqanngitsut.
Iluatsilluaarnerup sermitsiaq.gl-imi allagarsiussinissamut inissamik inniminniiniarnerit amerlanerulersissimavaat.
Nittarsaassinermut/tuniniaanermut pisortap Nicolai Jakobsenip ilisimatitsissutigaa "megabannere"-nik aamma "topbannere"-nik taaneqartartuni inissat tamarmik septembarip naanissaata tungaanut ulikkaarsimasut.
- Suliffeqarfiit namminersortut pisortallu suliffeqarfiisa sermitsiaq.gl-imi ukiuap tungaanut annonceminnik inissaqarnissartik kissaatigaat, imaluunniit juullimut niuernerup aallartinnissaanut atatillugu maannangaaq inissamik inniminneereernissaq silatusaarnerussaaq, Nicolai erseqqissavoq.