Aqutsineq
SIK-mi pisortaq nutaaq
Kattuffiup Hans-Peder Barlach Christensen, KANUKOKA-mi pisortaasimasoq atorfinitsippaa
Sulisartut kattuffiuata SIK-p juunip aallaqqaataani Hans-Peder Barlach Christensen, ulluinnarni H.P., pisortatut atorfinitsippaa.
Pisortaq nutaaq 51-nik ukioqarpoq, kommunillu kattuffiannit KANUKOKA-mit atorfimmit assingusumit aggerpoq, tassani 2014-imi atorfinippoq.
Atuaruk: Kanukokap pisortassaa toqqarneqarpoq
Ataqatigiissaarisoq
Tamatuma siornatigut Qaasuitsup Kommuniani sinerissap avataani uuliasiorfiup Cairnip Aasiaat eqqaani suliaqarnerani ataqatigiissaarisutut ilaatigut sulinikuuvoq.
- H.P. ukiorpassuarni pisortat suliffeqarfiutaani sulisarnermini pisortaqarfinni suleriaatsit annertuumik ilisimasaqarfigilersimavai, taamaattumik qularutiginngilarput H.P.-p SIK-mi pisortanngornerata kingunerisaanik ilaasortatsinnut sullissinerput ersarinnerulerluni pitsaanerulissasoq, SIK-mi siulittaasoq Jess G. Berthelsen tusagassiuutinut nalunaarummi erseqqissaavoq.