Sikuunikinnerulernerta piniarnermik inuussutissarsiuteqarneq eqqornerlukkaa
Issittumi sikup aakkiartornera Tunumi Kujataanilu piniarnermik inuussutissarsiuteqarnermut annertuumik eqquinerluppoq.
Silasiorfik Danmarks Meteorologiske Institut, DMI, naapertorlugu Tunumi siku 100 kilometerinik arlalinnik annertusseqarpoq, taannalu Tunup sineriaani sarfamit ingerlaartinneqartuarami unissanani ingerlaartuarpoq – sikullu taakku Tunup sineriaatigut kujammut ingerlaartut sikorsuarnik taaneqartarput. Aviisi Sermitsiaq allappoq.
Siku taanna Issittup imartaani ukiuni arlalinni issutsikkiartortarpoq meterinillu arlalinnik issussuseqalertarluni, taannalu Tunup avanaata Svalbardillu akornanni Framstrædemiit Tunup sineriaanut qaammatit arlallit ingerlaartarpoq, kujammullu ingerlaarnermini nallortarluni. Sikuli nallornikoq tamanna ukiukkut qerilluni Tunumi sikunnguuttarpoq.
DMI naapertorlugu Nunap Isuata eqqaani Kujataanilu sikorsuit Tunup sineriaani sarfamit annertuumik sunnersimaneqartarput. Aasaaneranilu siku aattarmat Nunap Isuata eqqaa nalinginnaasumik aggustimiit decemberimut sikuuneq ajorpoq.
Ukiulli siuliinut naleqqiullugu siku sukkanerujussuarmik aakkiartortalersimasoq, Tunumi Kujataanilu piniartut, kiisalu DMI sikuusarnera pillugu ilisimatusartoq Gorm Dybkjær oqarput. Tamannalu piniarnermik inuussutissarsiuteqarnermut annertuumik eqquinerluttoq piniartut oqaatigaat.
Allaaserisaq tamaat uani Sermitsiami pisiarisinnaasanni atuaruk: