Sinerissap qanittuani saarullittasseeqqittoqarpoq
Ukioq manna saarullittassat taagaaminnarput, taamaattoq naalakkersuisut sinerissap qanittuani avataasiorlunilu aalisarnermi pisassiissutinik nuussipput.
Annonse
2010-mi saarullittassat 10.000 tonsiupput. Taakkulu naalakkersuisut sinerissap qanittuani avataasiorlunilu saarullinniarnerit assigiimmik pisassiissutigaat.
- Juulimi sinerissap qanittuani saarullinniarneq avataasiorluni pisassanit 1.000 tonsinik nuussiffigineqarpoq. Pisassat taakku aalisarneqarsimalilerput, taamaattumillu naalakkersuisut aalajangerput sinerissap qanittuani aalisartunut saarullittassanik suli 1.000 tonsinik nuussiffigineqassasut, taama tusagassiuutitigut nalunaarummi allappoq aalisarnermut, piniarnermut nunalerinerlullu naalakkersuisoqarfik.
Taamaasilluni 2010-p sinnerani pisassiissutit 7.000 tonsit sinerissap qanittuani aalisartunut aamma 3.000 tonsit avataasiorluni aalisartunut pisassiissutitut agguarneqarput.