Sinneqartoorutit naammaginanngitsut
Umiarsuaatileqatigiiffik Royal Arctic Line 2008-mi 10,1 millioner koruuninik sinneqartooruteqarpoq, ikippallaaqaalli, siulersuisut isumaqarput.
Annonse
Royal Arctic Linep 2007-imi sinneqartoorutai 33,4 millioner koruunit 2008-mi 10,1 millioner koruuninut appariarsimapput.
– Akileraarutit ilanngaatigereerlugit aningaasatigut angusat 6,2 millioner koruunit naatsorsuutigineqartutut amerlatigaat, naammaginartutulli isigineqanngillat. Angusat siunissami aningaasaliissuteqarnissap qulakkeerneqarnissaanut pisariaqartitatut igineqartunit 20 millioner koruuninik ikinnerupput, taamatut nalunaaruteqarput Royal Arctic Linep siulersuisui.
Angusat appariartornerannut ingerlatsinermi aningaasartuutit amerliartuinnartut pissutaasutut siulersuisut isigaat. 2008-mi ingerlatsinermut aningaasartuutit 787,6 millioner koruuniusimapput, 2007-imi 703,3 millioner koruuniusimallutik.