Siornatigut Inimi pisortaasimasoq politiinut nalunaarutigineqarpoq

Siornatigut Inimi pisortaasimasoq politiinut unnerluutigineqarpoq, taamaattoq politiit inissiaatileqatigiiffillu pisoq pillugu oqaaseqarumanngillat.

Taama Nuuk TV ilisimatitsivoq.

Inimit taamaallaat oqaatigiumaneqarpoq siornatigut inissiaatileqatigiiffimmi inissiaatinik kiffartuussinermik pisortaq angut politiinut unnerluutigineqarsimasoq.

Nuuk TV nappertorlugu aningaasat 2 millioner koruunit missaat peqquserluutigineqarsimagaapput. TV-qarfiup aamma ilisimatitsissutigaa pineqartup suliffini ukioq manna apriilimi qimakkaa - atorfimmut ivertinneqarnermi ukiup ataatsip kingorna. Angut nunatsinni najugaqarunnaarnikuuvoq.