Siumut: Aalisartut ajornartorsiutaat maannakkut iluarsineqarlik
KNAPKp aalisakkat tulaanneqartut akikinnerpaaffilerneqarnissaanik kissaateqarnera Siumup tapersersorpaa piumasaralugulu sapaatit akunnerata ataatsip qaangiutinnginnerani tamatuma iluarsineqarnissaa.
Annonse
Inatsisartunut ilaasortaq Karl Lyberth, Siumut, ataasinngornermi aalisarnermut naalakkersuisumut Ane Hansenimut, IA, allappoq piumasaqaatigalugu aalisakkat akikinnerpaaffilerneqarnissaat.
- Saarullit ullumikkkut kiilumut 5 koruuneqarpåut, kisianni aalisartuniit ilisimavarput akiat minnerpaamik 8 koruuniusariaqaraluartoq, aalisarneq imminut akilersinnaasumik ingerlanneqassappat, Karl Lyberth allappoq.
Piumasaqatigaa naalakkersuisut kingusinnerpaamik sapaatit akunnerat ataaseq qaangiuppat sinerissap qanittuani aalisartut ikiorneqarnissaat pillugu pilersaarummik piareersimatitaqariissasut.