Siumut uran pillugu oqaluuserisassanngortitseqqittoq
Siumut sinnerlugu Inatsisartunut ilaasortat marlukk Kujataanu angalalerput uranimut akuersaanngilluinnarnerup atorunnaarsinnissaa oqaluuseritinniarlugu
Siumut sinnerlugu Inatsisartunut ilaasortat Kim Kielsen aamma Anders Olsen Qaqortumi Narsamilu ataatsimiititsiartorlutik Kujataanut angalalerput.
Ataatsimiititsinerit pingasut pilersaarutaapput oqaluuserineqartussarlu tassaalluni uranimut akuersaanngilluinnarnerup atorunnaarsinneqarnissaanik Siumumit siunnersuut.
Ataatsimiititsinerit pissapput septembarip tallimaaniit arfineq-aappaanut. Ulluni siullerni marlunni Qaqortumi, tamatumani politikerit taakkua marluk Niuernermik Ilinniarfimmi Katersortarfimmilu ataatsimiititsissallutik. Ataatsimiititsineq kingulleq septembarip arfineq-aappaani Narsap katersortarfiani pissaaq.
Uranimut akuersaanngilluinnarnerup qinigaaffik tamakkerlugu naalakkersuisooqatigiinnit aalajangiusimaneqarpoq, Siumulli atorunnaarsitsinissamik siunnersuutaanut isummersortariaqassalluni Inatsisartut ukiakkut ataatsiminniinneranni qaammatip naalernerani aallartittussami partii saqqummiussippat.