Qaasuitsup Kommunia
Sivso Dorph atuartitaanermut pisortaq nutaaq
IMAK-imi siulittaasoq malunnaatilik sulisitsisunngorluni nuuppoq
Qaasuitsup Kommuniata Sivso Dorph Kultureqarnermut, Atuartitaanermi Sunngiffimmilu pisortatut atorfinitsippaa. Apriilip aallaqqaataani sulilissaaq, kommuni ilisimatitsivoq.
- Qaasuitsup Kommuniata qilanaataa, suliaminik piginnaasaqarluartumik suleqateqalernissaminik, meeqqat inuusuttullu atugaat pillugit kommunimilu ilinniarsimassutsip qaffassarnissaanik kivitseqataasinnaasumik atorfeqartitsilissammat, Qaasuitsup Kommuniani pisortaaneq, Hans Eriksen, tusagassiuutinut nalunaarummi erseqqissaavoq.
IMAK-imi siulittaasoq
Sivso Dorph, Ilinniartitsisut Meeqqat Atuarfianeersut Kattuffianni, ukiorpassuarni IMAK-imi malunnaatilittut siulittaasuunikuuvoq.
Kattuffiup nittartagaanik siulittaasuujunnaartoq suliffini taarsernissaa sivisuumik artornartumillu eqqarsareerluni aalajangersimalluni erseqqissaavoq.
- Kingullermik sinniisoqarfiup ataatsimiinnerani oqaatigaara naggataamik siulittaasumut qinigassanngortillunga, naatsorsuutigisimagaluarparalu qinigaaffiup sinnera siulittaasutut ataannassallunga. Imaaliarsaalerninni pisinnaalluarallartillungalu unammilligassanik nutaanik ujarlersimavunga, nassaarsimallungalu neriuutigalugu tamanna suliffigiligassannut aamma iluaqutaajumaartoq, Sivso Dorph erseqqissaavoq.