Sømandshjemminut tamanut pisortanngortoq

Erik Ramballe Hansen Sømandsmissionimi niuernermut pisortatut atorfinitsinneqarpoq. Tamanna tusagassiuutinut nalunaarummi atuarneqarsinnaavoq.

Ulloq manna tikillugu kalaallit sømandshjemmiinut akisussaasuuvoq, kisianni maanna atorfia Danmarkimi aamma Kalaallit Nunaanni niuerfinnut akisussaasunngortinneqarpoq.

- Sømandsmissionimi pingaarnertut sammisaq anguniagaq pingaartuuvoq, Erik Ramballe Hansen.

- Iluanaarniarneq siunertaralugu niuernermik pilersitsissanngilanga, kisianni anguniakkamut sinneqartoortitsinissamut, Erik Ramballe Hansen oqarpoq.

Erik Ramballe Hansen Sømandsmissionimut 2012-imi pivoq. Siullermik Sisimiuni Sømandshjemmimi, kingornalu kalaallit sømandshjemmiini pingasuni niuernermi pisortatut, taakku ukiumut arlaleriarluni tikeraartarpai.

Maannalu aningaasaqarneq tamaat aamma Nunatsinni sulisunut kiisalu naatsorsuuserisuni sulisunut akisussaasunngorpoq.

- Niunermi ineriartorfissarpassuarnik takusaqarsinnaavunga, saniatigullu Sømandsmissionip sorpassuartigut suliniutitigut imarsiortut aalisartullu iivangkiiliumik angunissaat eqqarsaatigalugu, Erik Ramballe Hansen oqarpoq.