Stationeqarfik qaammataasamoortoq suliaralugu naammassineqartoq
Ittoqqortoormiini innuttaasut maanna stationeqarfik qaammataasamoortoq aqqutigalugu flatrate atorsinnaalerpaat.
Tusassip Ittoqqortoormiini nunami stationeqarfiup sananeqarnera maanna naammassivaa, tamannalu illoqarfimmi innuttaasunut iluaqutaassaaq.
Tassa nunami stationeqarfiup qaammataasami piginnaasaq pitsaanerulersippaa, taamalu Tusass illoqarfimmi flaterate internetsertoqarsinnaaneranik neqerooruteqarsinnaalerluni.
Tusassimi pisortaanerup Kristian Reinert Davidsenip nassuiaatigaa, flaterate aalajangersimasunik akiliuteqarluni internetsernissamut periarfissiisoq:
- Ittoqqortoormiini nunami stationeqarfiup sullitagut flatratitaarsinnaanngortippai, amerlanerillu internetimik atuisinnaalissapput akiligassarujussuarmik tupaallatsinneqarnissaq eqqarsaatiginagu. Sullitagummi datamik qanorluunniit annertutigisumik atuinertik apeqqutaatinnagu qaammatit tamaasa aalajangersimasumik akiliuteqartalertussanngorput. Ittoqqortoormiini sullitatsinnut taamatut periarfissiisinnaanerput qilanaaraarput, udtaler Kristian Reinert Davidsen tusagassiorfinnut nalunaaruteqarnermi oqarpoq.
Attaveqaasersuutinut Naalakkersuisup Mariane Paviassenip (IA) stationeqarfik pingaarutilimmik aningaasaliissutaasoq oqaatigaa:
- Naalakkersuisunut pingaaruteqarpoq nunami tamarmi attaveqaqatigiinnermik pitsanngorsaanermut inuiaqatigiit aningaasaliissuteqarnissaat. Tusassip Ittoqqortoormiini sullitaminut flatratemik neqerooruteqarsinnaalernera innuttaasunut pingaaruteqartorujussuuvoq, taamaalilluni innuttaasut qaammataasakkut attaveqartut qanigisaminnut qaninnerulersinnaaniassammata, Mariane Paviasen oqarpoq.
Tusass Tasiilami siorna assigusumik stationeqarfiliorpoq.