Suliaq Puisimut tunngasoq kinguartinneqartoq
Inuussutissarsiornikkut isumalluarsaat iluatsinngitsoortoq Puisi A/S pillugu eqqartuussinissaq siusinnerpaamik ukiaru aatsaat pisinnaavoq. Tassa nunatta eqqartuussisuata siusinnerusukkut nalunaarutigisaaniit ukiup affaanik kingusinnerusukkut.
Annonse
Nunatta eqqartuussisuata Søren Søndergaard Hansenip siorna septembarimi neriuutigigaluarpaa, eqqartuussinissaq piffissami januar-juli 2008-mi pisinnaassasoq.
Søren Søndergaard Hansenip maannakkut nalunaarutigaa, illuatungeriit eqqartuussinissap aallartinnissaa aalajangiiffiginiarlugu juunip naanerani ataatsimiissasut. Særenip naatsorsuutigaa, eqqartuussineq ukiamut aallartissinnaassasoq.
Suliap sivisoorujussuarmik ingerlareersimasup maannakkut suli kinguarteqqinneqarnerannut suna peqqutaanersoq aperineqarnermut nunatta eqqartuussisuata akissutaa naatsunnguuvoq:
- Nunatta eqqartuussiviani ulapinneq.