NAMMINERSORTOQ AKERLERINEQARTOQ
Suliffeqarfiutini peertariaqalersinnaagaa
Sofianguak Kristiansen saunagus-ertarfimmik siornali ingerlatsisuusoq naammagittaalliuutinik tigusaqarpoq. Tamanna akuersissuteqarnissamik aallaqqaataaniik qinnuteqartariaqalernissaanik kinguneqarpoq.
- Nammineq akilikkannik aalartitsivik sanavara, suut tamaasa nammineq akilerpakka namminersortuugamalu soorunami taamaatitsissagaluaruma tamanna uannut kinguneqartussaavoq, Sofianguak Kristiansen oqarpoq.
Leiff Josefsen
Sofianguak
Kristiansenip aalartitsivini sapaatip akunneranut pingasoriarluni ikittarpaa.
Taanna pulaartuminut aalartitsivimmik saunagussertitsisarpoq, tassaasoq
uuliamik naasuneersunik aalartitsiviup ujaaraanut kueraalluni tipigissumi
qasukkarnartumi aalartiffigitinneq.
Sofianguak
Kristiansen Nuup ilaani Nuussuarmi septembarimiilli nammineq aalartitsivimmik
sanaaminik ammaavoq. Siorna maajimi nunaminertamik sanaartornissamullu
akuersissummik qinnuteqarsimavoq, tamannalu Kommuneqarfik Sermersuumi
ajornanngitsumik ingerlasoq, Sofianguak Kristiansen oqaluttuarpoq.
Kommunip
Nuummi sumiiffiit assigiinngitsut aalartitsiviup inissisimaffigisinnaasai
siunnersuutigai. Sumiiffiit kikkunnilluunniit ornigarneqarsinnaasut tamanut
tusarniaassutigineqareernikuusut, taamaattumik aalartitsiviup inissisimaffissaa
pillugu tusarniaaqqittoqarani sanaartorfigineqariaannaasut.
Sanaartorneq
ukiakkut aallartinneqarpoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat ilaanni allaaserisaavoq.
Allaaserisat pisartagaqartunit siunissami taamaallaat atuarneqarsinnaajumaassapput.
Atuarluarna
- Inuit
arlallit alapernaallutillu nuannaarput, allalli kamaapput oqarlutik
sanasoqassanngitsoq. Tamanna ukkatarivallaanngilara, Sofianguak Kristiansen
oqarpoq. Taanna suliffeqarfiutinik Saunagus Minguik-mik ingerlatsisuuvoq
marriornermillu ilinniartitsisarluni.
Maannali paasitinneqarpoq aalartitsiviutaanut akuersissutit tamarmik kommunimit
utertinneqarsimasut.
Maalaarutit taperserneqartut
Aalartitsiviup
sananeqarnerata nalaani inissiaatileqatigiiffiit assigiinngitsut marluk
kommunimut naammagittaalliuutinik nassiussipput.
- Naammagittaalliorsinnaaneq periarfissaajuaannarpoq, Sofianguak Kristiansen
oqarpoq.
Maalaarutit
itigartinneqartut siullermik taperserneqanngillat, aalartitsiviliornermut
atatillugu malittarisassat tamarmik malinneqarmata. Maalaaruteqarnerit
tassaapput aalartitsiviup inissiat isikkiviat assermagu aallartitsiviullu pujua
akornutaalluni. Maalaaruteqarnerit Namminersorlutik Oqartussanut kingorna
ingerlateqqinneqarput, tamatumalu kinguneraa inissiaatileqatigiiffiit
maalaaruteqarnerat taperserneqarmat. Taamaattoqarneranit Sofianguak
Kristensenip akuersissutaatini annaavai.
Sofianguak Kristiansen akuersissuteqaqqillissaguni qinnuteqaqqissasoq
Kommuneqarfik Sermersuup Sermitsiamut paasissutissiissutigaa.
Sofianguak
Kristiansenip aalartitsiviliornialerami akimmiffissaqarnissani ilimagisimallugu
oqaluttuarpoq.
- Namminersortuunikuugama
nalunngilara akerlilersorneqassallunga, ilimaginngikkaluarparali
aalartitsivimmi peernissaanik kinguneqassasoq, oqarpoq.
Kommuni kukkusimaneranik apeqqut taassuma
maanna eqqarsaatigaa.
- Kommuni
akuersissummik tunniussinikuummat, taakkuuppatalu kukkussuteqartut
aalartitsiviup sumiiffimmut akuerineqarsinnaasumut nuunneqarnissaa
aningaasartuutaalu taakku isumagissagaat isumaqarpunga. Akissarsiassaraluakkalu
akilerlugit, Sofianguak Kristiansen oqarpoq.
Tusarniaanissaq
amigaataasoq
Sofianguak Kristiansenip Nuup ilaani Nuussuarmi nammineq aalartitsiviliani septembarimi ammarpaa.
Leiff Josefsen
Aalartitsiviup
pilersinneqarnerata kingorna „naammagittaalliortorpassuit“ pisimasut
Kommuneqarfik Sermersooq ilisimatitsivoq, aalajangiinerlu kommunimi
oqartussaasuinut, Nunaminertanik atuinermut pilersaarusiornermut,
naammagittaalliuutigalugu suliassanngortinneqarsimasoq. Taakkualu
aalajangersimapput nunaminertamik akuersissut atuukkunnaassasoq aallaqqaataanik
suliarineqartussanngorlugu. Aamma ilisimatitsissutigineqarpoq kommuni
aallaqqaammut piffissaligaasumik, ukiuni marlunni atuuttussamik, nunaminertamik
akuersissummik tunniussisimasoq.
- Akuersissutaatilik
oqaloqatiginiarlugu misiliisimagaluarpugut, taarsiiffigineqarnissamilli
piumasaqaat kisiat tigusimavarput. Taamaattumik suli erseqqinngilaq
nunaminertamik akuersissutillip kissaatigineraa nunaminertamik tunniussinerup
tusarniaanermik, aalajangiinermi siullermi amigaataasumik,
suliarineqaqqinnissaa suli kissaatigineraa, kommuni Sermitsiamut allappoq.
Aalartitsivik
inissisimaffimminiiginnarsinnaassasoq Sofianguak Kristiansenip neriuutigaa.
Sapaatip-akunneranut agguaqatigiissillugu 25-30-nik pulaartoqartarpoq, naak
aalartitsiviuteqarneq „millionærinnguutiginngikkaluarlugu“
iluatsilluarnerarpaa.
- Inuppassuit nuannaraat. Suliaq timikkut
tarnikkullu peqqinnartuuvoq saunaguseqarnissarlu pisariaqarpoq.
Oqaloqatigiissutigisigu
Saunagusip matunissaa ilinnut qanoq
kinguneqassava?
- Nammineq akilikkannik aalartitsivik sanavara, suut tamaasa nammineq
akilerpakka namminersortuugamalu soorunami taamaatitsissagaluaruma tamanna
uannut kinguneqartussaavoq, Sofianguak Kristiansen oqarpoq.
Suliffeqarfimmik
aallartitsigaanni akerlilersorneqartarneq nalinginnaasuusoq taanna isumaqarpoq.
Akerlilersuineq nunasiaataasimanermit sorlaqartoq, tassa akunnermi
nakuusertoqartarnera.
(nakuusertarneq, kamaqarneq qaasuttuunerlu, inuiaqatigiit
naqisimaneqartut akornanni pisartuuvoq, naqisimannittunut tutsinneqarneq
ajortoq, aaqq.)
- Akerlilersuineq
nunasiaateqarnermit aallaaveqarluarpoq – akunnermi nakuusertarneq –
ataatsimoorluta kivitseqatigiinniarnata aaqqiiniarnatalu immitsinnut
saassuttarpugut. Nukivut kukkusumik atortarpavut, Sofianguak Kristiansen
Facebookimi misigisani naammagittaalliuutigisani pillugit taama ilaatigut.
Namminersortut allat assingusumik
aporfissalersorneqartarsimallutik misigisaqarsimasunik kingorna
attavigineqartarpoq.
- Eqqartortariaqarparput. Ullumikkut
namminersortuujumalluni nukissaqarnissaq piumassuseqarnissarlu pisariaqarpoq.
- Nuannaarutigaarali allannguisoqariartuaarmat,
oqartussaasunut assigiinngitsunut saaffiginninniaraangama pisariaqartitannik
tapersersorneqarlungalu siunnersorneqartarpunga. Suut tamarmik
nuanniitsuunngillat, pissutsilli pitsaanerulernissaata tungaanut oqaloqatigiissutigisariaqarpavut.