KANGERLUSSUARMI NUNAQARFIUP AQUTSISUI
Suliffiit nutaat pisariaqartippavut
Kangerlussuaq Qeqqata Kommunianut pingaaruteqarpoq, tassani innuttaasut tamarmik suliffeqarput, nunaqarfiup aqutsisuini ilaasortat nunaqarfiup allanngornissaanik isumakuluuteqartut oqarput. - Suliffiit taama amerlatigisut nunaqarfimmit qimagutsinneqarpata suliffinnik nutaanik pisariaqartitsilissaagut, Johan Lange (IA) oqarpoq.
Leiff Josefsen
Air
Greenlandimi sulisunit 40-50-it missaanniittunit 26-t ilaquttatik
ilagalugit Nuummut Ilulissanullu suliffinnut inissianullu nutaanut
nuuppata inuit qassit Kangerlussuarmiit nuussanersut suli ilisimaneqanngilaq. Johan Lange (IA), nunaqarfiup aqutsisuini
siulittaasoq, nuuttussaq ilagaat.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat ilaanni allaaserisaavoq.
Allaaserisat pisartagaqartunit siunissami taamaallaat atuarneqarsinnaajumaassapput.
Atuarluarna.
-
Air Greenlandimi sulisuuvunga, suliffimalu attatiinnarnissaanut
akuersigama ilaquttakka ilagalugit Nuummut nooqqaariarluta kingorna
Ilulissanut mittarfissaq naammassippat ilaquttatsinnut
qaninnerulerumalluta nuukkusuppugut, oqarpoq, taassumalu ilimagaa
inuit 40-t missaanniittut Kangerlussuarmit nuussasut.
Air
Greenlandimi sulisut 26-t suliffitsik qularnaarlugu nuupput.
Illersornissaqarfiup
upalungaarsimanermut tunngaviusumik ilinniarfissaa maajimi
aallartissaaq, tamatumalu kingorna suliffiit nutaat
pilersinneqassapput. Pedelitut, eqqiaasutut allatullu. Tunngaviusumik
ilinniarfissamik pilersaarutit nunaqarfiup aqutsisuinit
tapersersorneqartut Johan Lange nassuiaavoq.
Aammattaaq
Albatros Arctic Circlep Hotel Kangerlussuaq Mittarfeqarfinnit
pisiaraa.
-
Nunaqarfik takornarianut aamma Kalaallit Nunaanniittunut
takornariartarfiuvoq pingaarutilik, inuppassuimmi sinerissamiit
Kangerlussuarmut aasakkut piniariartarput imaluunniit pinngortitami
sermersuarmilu misigisassarsiorlutik, Anna Karen “Kuka” Hoffmann
oqarpoq.
-
Takornariartitsisartut namminersortut Hotel Kangerlussuaq pisiaraat,
taamaattumik naatsorsuutigaara siunissami Kangerlussuarmut
takornariartoqartuassasoq. Innuttaasut Kangerlussuarmi Air
Greenlandimi sulisut Kangerlussuarmi najugaqarniarlutik aalajangertut
eqqarsaatigalugit paaserusupparput Qeqqata Kommunia nutaanik
suliffissanik pilersitsiumanersoq, Johan Lange oqarpoq.
-
Kangerlussuaq Qeqqata Kommunianut pingaaruteqarpoq, tassani
innuttaasut tamarmik suliffeqarput. Suliffeqarfissuaq nunaqarfimmit
nuunneqarpat suliffinnik nutaanik pisariaqartitsilissaagut.
Nunaqarfimmi suliffissaaleqisoqanngisaannarpoq, annertuumilli
allannguisoqalermat siunissaq nalorninarpoq, Johan Lange oqarpoq.
Erseqqissumik
paasisaqarnissarput qilanaaraarput
Anna
Karen “Kuka” Hoffmann (A) Kangerlussuarmi nunaqarfinni
aqutsisunut aamma Qeqqata Kommuniani kommunalbestyrelsimut
ilaasortaavoq, ukiunilu 26-ni Kangerlussuarmi najugaqarsimalluni.
Taassuma nunaqarfiup allanngoriartornera qanimut misiginikuuaa, tassa
amerikamiut sakkutooqarfioriarluni nunat tamalaat Kalaallit Nunaannut
timmisartuussisarfinngornera. Maannalu nunap immikkoortuani
mittarfittut atulernissaa aamma misigalugu.
-
Kangerlussuarmi mittarfiullu allanngornikuunerisa sunniutiginikuusai
oqaasertaleruminaapput, pissutsinut nutaanut naleqqussarsinnaaneq
pineqarpoq, Anna Karen “Kuka” Hoffmann oqarpoq.
Taassuma
Kangerlussuarmi suliffinnik nutaanik pilersitsinissaq
pisariaqarneranik Johan Langep oqariartuutaa isumaqatigaa.
Kangerlussuup
siunissaa pillugu suli nalornissuteqartoqarmat Qeqqata Kommunianit
erseqqissumik paasisaqarusunneq nunaqarfimmi aqutsisunut
kommunalbestyrelsimullu isaasortatut paasisinnaavaa.
-
Kangerlussuup siunissaa pillugu Qeqqata Kommunianit
paasisaqarusuttoqarnera paasisinnaalluarpara. Nunaqarfimmi aqutsisuni
kommunalbestyrelsimullu ilaasortatut Kangerlussuaq pillugu
pilersaarutinik tigussaasunik saqqummiussinissaq qilanaaraara,
tassami kommunalbestyrelsimiit Kangerlussuaq pitsaanerpaamik
kissaapparput. Taamatulli pisoqartinnagu arlalinnik
qulaajaasoqaqqaartariaqarpoq, Anna Karen “Kuka” Hoffmann oqarpoq.
-
Inuttut nammineq politikeritullu nunaqarfimmi najugalittut inuit
qassit Kangerlussuarmit nuukkumaarnersut eqqarsaatigisarpara.
Erseqqissunik paasissutissinneqarnissarput qilanaaraarput,
taamaalilluta kommunalbestyrelsimi piviusorsiortumik
pilersaarusiorsinnaalissagatta, Anna Karen “Kuka” Hoffmann
oqarpoq.
Meeqqat
inuusuttullu nooqataassapput
Nunaqarfimmi
aqutsisut siulittaasuat Johan Lange Ilulissanut aappaagu nuuleruni
nulia meeraalu marluk nooqataassapput. Sulisut meerartallit
ilaqutaqartullu Kangerlussuarmit nuukkaangata tamanna aamma kommunimi
sullissivinnut sunniuteqartoq Anna Karen „Kuka“ Hoffmann oqarpoq.
-
Qassit nuussanersut paasissallugit pingaaruteqarpoq. Meeqqat
meeqqerivinni atuarfimmiluunniit atuartut qassit aamma nuussanersut
ilisimasariaqarparput, tassami meeqqat inuusuttullu qassiunerat
tunngavigalugu perorsaasut ilinniartitsisullu amerlassusaat
aalajangerneqartarput. Kangerlussuarmiit nutsernerit qanoq
sunniuteqassanersut paasinissaat pissanganarpoq, Anna Karen “Kuka”
Hoffmann oqarpoq.