Suliffissarsiortut ikileriarujussuartut
Suliffissarsiortut amerlassusaat ataatsimik ingerlaarfeqarput: ammuinnaq.
Ukiup ataatsip ingerlanerani suliffissarsiortut amerlassusaat inunnik 700-nik ikileriarput, maajimilu inuit 1.826-iulerput, tamannalu ukiup siulianut sanilliullugu saaffiginnittunit 38 procentinik ikinnerupput.
- Suliffissarsiorlutik nalunaarsukkat saqqummersinneqartarput kommuninut suliffissarsiorsimasut tunngavigalugit. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu. Suliffissarsiortutut nalunaarsukkat qaammatikkaartumik saqqummersinneqartarput, Naatsorsueqqissaartarfik kisitsisinik saqqummiusseqqammersoq taama allappoq.
Nunap assingani sumiiffimmi ataatsimi kisimi illuanut ingerlasoqarpoq: Qeqqata Kommuniani illoqarfiit aamma nunaqarfiit. Tassani suliffissarsiortut maajimi 2018-imi 198-nit ukioq manna maajumi 201-inut amerleriarput.
Suliffissarsiortut ukiuinnut agguataarlugit qimerlooraanni, inuit eqimattat 25-t aamma 29-t akornanni ukiullit amerlanerpaapput. Taakku ukioqatigiiaat 50-nit 54-nut ukiulinnit malitseqarput, kisitsisini tamanna takuneqarssinnaavoq.