Ilulissat
Takorluugaq piviusunngortoq
Peder Pedersen Ilulissat eqqaanni ilulissanit imermik imissamik piiasalernissamik ukiorpassuarni takorluugaqarsimavoq, maanalu takorluugaa piviusunngorluni
Peder Pedersenimut suliffeqarfiutaata Arctic Ice Cap Waterip imermik imissamik Ilulissat eqqaanni ilulissat atorlugit tunisassiarineqartumik Kalaallit Nunaanni tuniniaanerup sapaatip-akunnerani kingullermi aallartinnera ulluuvoq pingaartoq.
Peder Pedersen nulii kalaaleq peqatigalugu 1982-imi Ilulissanut tikeqqaaramili tamaani iluliarpassuarnit imissamik qanoq ililluni tunisassiulersinnaanermik eqqarsaateqartarsimavoq.
Atuaruk: Ilulissat tipinikut imissanngortut
Puiaasat 20 millionit
Ilulissani ukiorpanni najugaqarpoq, Peder Pedersenillu eqqiaanermik suliffeqarfik Polarrent siullermik pilersillugu kingornalu aamma sanaartornermik suliffeqarfik pilersillugu, ilulissanillu imermik tunisassiulernissamik pilersaarutit ukiut pingasut matuma siorna aamma pimoorunneqalerlutik.
– Nunarsuaq tamakkerlugu tuniniaasutsinnit 2016-imut puiaasanik ikinnerpaamik 20 millioninik nioqquteqarnissamut missingersuutinik tigusaqaqqammerpugut. Ullumikkut ilisimasavut misilittakkavullu tunngavigalugit puiaasanik 50 millioninik ukiumut ajornanngitsumik tunisassiorsinnaavugut. Teknikki killiliisuunngilaq, akerlianilli aningaasaliissutinik pissarsisinnaaneq ineriartornermik aqutsisuulluni.
Allaaserisaq tamaat atuaruk, Nuummilu pisut annertuut annikitsullu takullugit. Nuuk Ugeavis uani akeqanngitsumik aasinnaavat: