Takornariat siorna Kalaallit Nunaanni 3 milliardingajannik aningaasartuuteqartut
2024-mi takornariaqarneq Kalaallit Nunaata nuna tamakkerlugu aningaasartuutaasa 4,9 procentiannut toqqaannartumik sunniuteqartoq naatsorsuinerit nutaat takutippaat.
Sikkersoq Hansen Amazing Tours-imeersoq umiarsuarmi takornariartaammi takornarianik kiffartuussisoq.
Assi: Magnus B. Trolle - Visit Greenland
Visit Greenlandip nunami takornariaqarneq pillugu naatsorsueqqissaarneq siulleq suliarisimavaa, tassanilu takornariaqarneq pissutigalugu qanoq aningaasarsiortoqartigisoq takuneqarsinnaavoq.
2024-mi takornariaqarneq Kalaallit Nunaata nuna tamakkerlugu sinneqartoorutaata 4,9 procentianik naleqartoq, 1.800-nillu – nunami suliffissat tamarmik 6 procentiinit amerlanerusunik - suliffissaqartitsisoq naatsorsuinermi nunat tamalaat najoqqutassiaat malillugit suliarineqartumi erserpoq.
Visit Greenland tusagassiutitigut nalunaarummi taama allappoq.
- Takornariaqarneq nunatsinni inuiaqatigiinnut pingaaruteqarpoq – takornariartitsisartunuinnaanngitsoq tamatsinnulli. Nunami tamarmi suliffissanik, isertitanik ineriartortitsinissamullu periarfissanik pilersitsivoq.
- Takornariaqarneq imminermini anguniagaanani inuiaqatigiinnili ineriartornermik pitsaasumik nukittorsaanermut aqqutissaavoq. Taamaammat maanna paasissutissanik nunatsinnut, ataatsimoortunut immitsinnullu ataqqilluta akisussaassuseqarluta takornariartitsinermik ineriartortitsinissamut iluaqutaasunik peqalernissarput pingaaruteqarpoq, Anne Nivíka Grødem, Visit Greenlandimi pisortaaneq, tusagassiutitigut nalunaarummi oqarpoq.
Takornariat katillugit 3 milliarder koruuningajaat 2024-mi atorpaat. Taakkua affaat sinnerlugit takornarianit nunanit allaneersunit, annermik timmisartumik angalanernut, unnuinernut nerisassanullu aningaasartuuteqartunit, pissarsiarineqarput.
Takornariaqarneq ukioq naallugu suliffissaqartitsissasoq
- Tamanna Namminersorlutik Oqartussat, kommunit, inuussutissarsiortut nunamilu innuttaasut tamarmik suleqatigiinnerisigut aatsaat anguneqarsinnaavoq. Periarfissaqarluartoq kisitsisit ersersippaat, periarfissallu taakku atorluassavagut, Naaja H. Nathanielsen oqarpoq.
Naatsorsuutit Naalakkersuisut takornariaqarnermut pilersaarutaannut aamma Visit Greenlandip ukiuni qulini periusissiaanut nutaamut attuumassuteqarluinnartumik atorneqarumaartut Visit Greenland allappoq.
- Tamanna Namminersorlutik Oqartussat, kommunit, inuussutissarsiortut nunamilu innuttaasut tamarmik suleqatigiinnerisigut aatsaat anguneqarsinnaavoq. Periarfissaqarluartoq kisitsisit ersersippaat, periarfissallu taakku atorluassavagut, Naaja H. Nathanielsen oqarpoq.
Naatsorsuutit Naalakkersuisut takornariaqarnermut pilersaarutaannut aamma Visit Greenlandip ukiuni qulini periusissiaanut nutaamut attuumassuteqarluinnartumik atorneqarumaartut Visit Greenland allappoq.
Takornariaqarneq pillugu naatsorsuutit Rambøll Management Consultingimit Visit Greenland sinnerlugu suliarineqarlutillu EU-p suliniutaanit Green Transitionimit aningaasalersorneqarput. Angusat takornariat apersorneqarneri, oqartussat naatsorsuutaat nunamilu naatsorsoqqissaakkat atorlugit suliarineqarput.
