Raajat
Tamanut nalunaarutigineqannginnerani: Raajat pillugit siunnersuisartut ikilisinneqangaatsialersut
Raajat pillugit siunnersuisartut ikililiinerit pillugit Pinngortitaleriffimmi tusagassiortunik katersortitsisoqassaaq tallimanngornermi
Pinngortitaleriffimmi Nuummiittumi tusagassiortunut katersortitsinermi raajanik siunnersuisartut akilineqarnissaat tusarliunneqassaaq.
Nunatta kitaani raajat pitsaassusaat ajorseriaateqarpoq. Raajartassiissutit 80.000 tonsinit pisassiissutigineqartartunit annikillingaatsiarnissaat siunnersuutigineqarniarpoq. Tamannali pisortatiguuissumik suli nalunaarutigineqanngilaq.
Pinngortitaleriffik ulluni makkunani Atlantikup avannaani aalisarneq pillugu ataatsimiititaliap NAFO-p ICES-illu raajat pillugit ilisimatuussutsikkut ataatsimoorullugu ataatsimiititaliaata ukiumoortumik ataatsimiinnerani aaqqissuisuuvoq. Raajat pillugit ilisimatusartartut 15-it nunanit assigiinngitsunit arfineq pingasuneersut, taakkununga ilaallutik Pinngortitaleriffimmi biologit raajalerisut, Atlantikup avannaa tamakkerlugu Canadallu kangimut sineriaani raajarniarnerit aappaagumullu pisassiissutigineqarsinnaasutut innersuussutigineqarsinnaasut pillugit septembarimi suliaqarput.
GA-mit aarleqqutigineqartoq
Naalakkersuisuulertussanut annertuumik suliassaassaaq aalisarnermik periarfissat allat ujartussallugit.
Sulisitsisut Peqatigiiffiata pisortaa Brian Buus Pedersen tamanna pillugu ima allappoq:
- Periuseq suli ilisimaneqanngitsoq TAC raajanut atorneqalerpat, siunissami aningaasaqarneq Aningaasanut Siunnersuisooqatigiit naatsorsuutaannit ajornerusinnaavoq.
Sermitsiaq nr. 39 septembarip 26-ani saqqummersoq ataani pisiarineqarsinnaavoq: