- Tusassip
frimærkinik pilersuinini januaarip 31-ani Sisimiunut nooreeraalu Tasiilami
Filateliami sulisut isumagineqarput.
Tusassimi
niuernermut pisortaq Nikolaj Christoffersen taama ilisimatitsivoq.
- Tusassip
frimærkinik pilersuinini januaarip 31-ani Sisimiunut nooreeraalu Tasiilami
Filateliami sulisut isumagineqarput.
Tusassimi
niuernermut pisortaq Nikolaj Christoffersen taama ilisimatitsivoq.
- Filateliap
Tasiilamiit Sisimiunut nuunneqarnera (Aamma takuuk Sermitsiaq 2025/5) Tasiilami
Tusassip matuneqarnerata allakkerinerullu Pilersuisumut nuunneqarnerata
kingunerisaanik pivoq, soorlu Kitaani illoqarfinni mikinerni allakkerinermik
ingerlatsisut amerlanerit taamaaliortugut.
- Tassa
marsip qiteqqunneraniit Tasiilami allakkat tiguneqarlutillu agguaanneqartartut
Pilersuisumit isumagineqalissapput, tassanilu aamma Aallertarfiit
ikkussuunneqarumaarput, taamaalilluni allakkanik tigusisarnerit
eqaannerulersinneqarlutillu innuttaasut allagarsiatik ajornannginnerusumik
tigusinnaassavaat.
Allakkat
ikilisut
- Allakkat
ikileriarujussuarnerat pissutigalugu Pilersuisoq suleqatigilerparput.
Allakkeriveqarnissap ingerlaqqinnissaa ajornakusoornerulermat.
- Pilersuisup
ammasarfiisa nalaanni innuttaasut allagarsiatik pissarsiarisinnaammatigit
Pilersuisumik suleqateqarnerput inuiaqatigiinnut iluaqutaasoq
upperilluinnarparput. Tusass ulluinnarni nalunaaquttap akunnerini sisamani
ammasarnikuuvoq.
- Aammattaaq
innuttaasut siunissami SIM-kortit Pilersuisumut aasinnaassavaat.
- Pilersuisumik
isumaqatigiissuteqarnerput naapertorlugu sulisut tamarmik
suliffittaarnissaminnik neqeroorfigineqartarnissaat qulakkeersimavarput.
Kisianni sulisut qassit neqeroorutitsinnut akuersaarsimanersut
oqaatigisinnaanngilara.
Tusassip
pisiniarfik Tasiilamilu Filateliap initarisimasai qanoq pineqassanersut suli
aalajangersimanngilai.
- Tusass-ip
illu taanna maannamut Filateliaqarfiusimasoq, Tusass-ip pisiniarfigisimasaa
teknikkikkullu immikkoortortaqarfinnut marlunnut allaffiusimasoq pigaa. Taamaammat
suleqatigut teknikkilerisut illumiiginnartussat pillugit allatut
aaqqiinissatsinnut illutaa pigiinnassavarput.
- Taamaammat
periarfissat suunersut misissornerini illutaa pigiinnassavarput, Nikolaj Christoffersen, Tusassimi niuernermut
pisortaq, oqarpoq.
Filatelia 1989-imili
Tasiilamiilersimasoq Tusass frimærkit pillugit quppersakkami Greenland
Collectorimi allappoq.
