Tasiilamut takornariat amerleriarput
Ukiut tallimat ingerlaneranni islandimiut Tasiilamut Kulusummullu takornariat sisamariaammik amerleriarsimapput.
2003-mi takornariat 5.000-iusimapput, naatsorsuutigineqarporlu ukioq manna takornariat 18.000 aamma 20.000 akornanniissasut, Ammassallip Kommuniata takornariaqarnermut pisortaa Anders Stenbakken paasissutissiivoq.
– 2007-imiit 2008-mut takornariat marloriaatinngungajassimapput. Tasiilamiillu Kulusummut helikopterimik timmisartuussinermi inissat amerlisissinnaagutsigik takornariat amerleriarnerat tamakkiisumik atorluassagaluarparput. Maannakkorpiaq helikopterimik timmisartuussinermi inissaaleqineq annertoorujussuuvoq, takornariaqarnermut pisortaq oqarpoq.
Taassuma tikkuarpaa takornariat amerleriarnerannut pissutsit arlaliusut. Ilaatigut islandimiut takornariat amerlanerusut ulluni 2-3-ni Tunumukarusutattalerput, tamaani akunnittarfiit takornarianik tikittoqarusullutk annertuunik iliuuseqarput, kiisalu Tasiilaq ussassaarutigineqarsimavoq sualttumik unamminerup Arctic Team Challengep nunani tallani tv-qarfinni aallakaatittarneranut atatillugu.
Sermitisami annertunerusumik atuarit.