Tele-Post IT-ikkut sillimaniarnerulissaaq
Suliffeqarfik IT-ikkut sillimaniarnissamut suliniuteqarnerulissaaq, tassani suliffeqarfiit illersorneqarnerat annertusarneqassalluni. IT-ikkut sillimaniarnermut atorfinititsisoqareernerata kingorna taama aalajangertoqarpoq
Issittoq soqutigineqarnerujartornera ilutigalugu sillimaniarneq aamma pingaartinneqarnerujartorpoq. Tele-Postimi pisortap Kristian Reinert Davidsenip sillimaniarnerulernissaq pingaartinneqalissasoq oqaatigaa.
- Nunap attaveqaasersugaanera ajutoortinneqarsinnaasoq isumannaallisaavigaarput Issittorlu aqqusaarlugu ajoqusiiniarnernik siunertallit ajutoortitsinnginneranni isumannaallisaaneq qajannaallisarlugu aallartipparput. Kalaallit Nunaanni nalunaarasuartaasersugaaneq uagut qulakkiigassaraarput. Innuttaasunut akinik appaaqqammerpugut, suliffeqarfinnullu isumannaallisaaneq maanna sakkortusivarput, tusagassiutinut nalunaarummi oqarpoq.
IT-ip ingerlanneqarnera allanngortinneqartoq nalunaarutigineqarpoq, Nikolaj Christoffersen pisortatut atorfinitsinneqarluni. Taanna 2009-mili Tele-Postimi atorfeqarpoq
Atortulersuutinut IT-mik ilanngussineq, pitsanngorsaaneq aammalu IP-routing suliaqarfiupput IT-mik suliaqarfimmi maanna inissisimalersut.