NUUK
Teriannianik tunisisinnaaneq periarfissanngulersoq
Piniartut Kommuneqarfik Sermersuumi najugallit ullualuit qaangiuppata terianniamik tunisisinnaanngussapput.
Sermitsiaq.AG Arkiv
Terianniat
tunineqarsinnaalernissaat siunertaralugu Inoqarfinnut
Avatangiisinullu Ataatsimiititaliaq najoqqutassiorlunilu
malittarisassiorsimasoq Juaaka Lyberth
oqarpoq. Taanna Inoqarfinnut Avatangiisinullu Ataatsimiititaliami
siulittaasuuvoq kommunalbestyrelsillu marsip aqqaneq-appaani
ataatsimiinnerani taama paasissutissiivoq.
2024-mut
kommunip aningaasartuutissaanut missingersuusiornermi
kommunalbestyrelsmi isumaqatigiissutigineqarmat terianniaq
iluitsuutillugu tunineqartalissasoq periarfissanngortinneqarpoq.
-
Ingerlatsivimmit naatsorsuutigineqarpoq sapaatip akunnerata uuma
naalernerani teriannianik tunisisinnaaneq aammaanneqassasoq. Uani
pineqartoq tassa kommunitta kitaa teriannianik tunisisinnaalernissaq.
Paasissutissat sukumiinerusut avammut nalunaarutigineqarumaarput
kommunittalu nittartagaani aaneqarsinnaassallutik,
kommunalbestyrelsip ataatsimiinneranit imaqarniliami
atuarneqarsinnaavoq.