Siornatigut Hotel Hans Egede – saniatigullu
HHE Express taassumalu inissiaatai akunnittarfiit katillugit ineeqqat 280-iusut
– upernaakkut ukiakkullu niuerlutik angalasunik unnuisunik
ulapputeqarnerpaasarput. Akunnittarfilli aasaru ulapaarfiusussaassaaq.
– Maannakkorpiaq aasariartulerpugut,
marloriaammit amerlanerusunik unnuisoqartarluni – ilami aasaaneranut
nalinginnaasumut naleqqiullugu pingasoriaatinngussangatinneqarpoq.
Siornatigut Hotel Hans Egede – saniatigullu
HHE Express taassumalu inissiaatai akunnittarfiit katillugit ineeqqat 280-iusut
– upernaakkut ukiakkullu niuerlutik angalasunik unnuisunik
ulapputeqarnerpaasarput. Akunnittarfilli aasaru ulapaarfiusussaassaaq.
TIMMISARTUUSSINERIT AMERLANERUSUT
Air Greenlandip aalajangersimasumik Københavnip
Nuullu akornanni timmisartuussisarnerata saniatigut SAS aamma United Airlines
juunimiit ukiamut Nuummut timmisartuussisalissapput.
SAS Københavnip Nuullu akornanni juunip 27-aniit sapaatit akunneranut
pingasoriarluni timmisalissalluni (ataasinngornikkut, pingasunngornikkut
tallimanngornikkullu) Airbus A320neo 180 missaannik ilaasoqarsinnaasoq atorlugu
timmisartuussisalissaaq.
Najoqqutaq:
SAS
United
Airlines timmisartoq Boeing 737 MAX-8 atorlugu 166
missaannik ilaasoqarluni Newarkimiit (New York) juunip 14-aniit septembarip
24-ata tungaanut sapaatit akunneranut marloriarluni (marlunngornikkut
arfininngornikkullu) timmisartuussisalissaaq.
Najoqqutaq:
United Airlines
– Maannakkorpiaq aasariartulerpugut,
marloriaammit amerlanerusunik unnuisoqartarluni – ilami aasaaneranut
nalinginnaasumut naleqqiullugu pingasoriaatinngussangatinneqarpoq.
-Nalinginnaasumik aasaanerani, juunip qiteqqunneranit aggustip qiteqqunneranut Nuummi
akunnittarfimmi unnuisorpassuuneq ajorput, ukiorli manna tamanna annertuumik
allanngorpoq, Hotel Hans Egede A/S-imi pisortaaneq Jørgen S. Bay-Kastrup,
United Airlinesimit timmisartoq Newark/New Yorkimiit Nuummut mittussap siulliup
minngilaattaa, oqarpoq.
– United Airlinesip saniatigut SAS
aamma Københavnimiit sapaatit akunneranut marloriarluni mittalissaaq, soorlu
aamma Ruby Rejserimiit juunip qeqqaniit septembarip qeqqanut timmisartoq
attartugaq Aalborgimiit sapaatit akunneranut marloriarluni mittalissasoq.
Trumpip
sunniutai – Timmisartumi inissat tamakkiisut
aamma aasaanerani annertuumik piumaneqarnerulersimanissaat qularutissaangilaq,
Jørgen S. Bay-Kastrup oqarpoq. Nunat tamat akornanni unammillernerup
annertunerulerneratigut timmisartornerni akit
aamma apparsimapput, aammali USA-mi præsidentip Kalaallit Nunaannik
soqutiginnera sunniuteqarpoq, taanna naliliivoq.
– Trump akilerneqarsinnaanngitsumik nittarsaassivoq,
- oqarluartaarnera iluaaginarsinnaangaluarpalluunniit-
taamaalillutik kikkut tamarmik Kalaallit Nunaat sumiinnersoq ilisimalersimallugu
–tamanna immaqa tikeraarnissamut kajumissaataavoq, akunnittarfiup pisortaa
oqarpoq.
Nuuk
katersuuffittut
- Maannakkorpiaq aasariartulerpugut, marloriaammit amerlanerusunik unnuisoqartarluni – ilami aasaaneranut nalinginnaasumut naleqqiullugu pingasoriaatinngussangatinneqarpoq, Jørgen S. Bay – Kastrup oqarpoq.
- Assiliisoq: Oscar Scott Carl
Assi: Oscar Scott Carl
Ingammik SAS-ip United Airlinellu timmisartuussisarnissaat
nutaat aalajangiisuusimapput, aammali umiarsuarmik takornariat sineriammilu
takornariat sunniuteqaqataapput.
Angalasorpassuit Ilulissani sineriammilu
ornigassanut allanut angalasut Nuummi marloriarlutik unnuinissartik
toqqartarpaat – angalanissartik sioqqullugu imaluunniit kingornagut – tamanna
unnuisut amerlinerannik toqqaannartumik malunniuppoq.
– Aammali sineriammut aasaanerani
angalasussat – ilaatigut ukiut tamaasa aasaanerani ornigassat annersaannut
Ilulissanut tikerartartut – Nuummut kikkut tamarmik sineriammut angalasussat Nuuk
aqqusaartussaammassuk 2025-mi 2026-imilu iluaqutaassasoq
miserratigissanngilarput.
-Amerlaqisut Nuuk ’nunap assingani’ ilaaniassammat Nuummit
ingerlaqqinnginnerminni ataasiarlutik marloriarlutilluunniit unnuisartut takusinnaavarput.
- Soorlu umiarsuarmik takornarianut umiarsuaatileqatigiit ilaasunik
inuttaminnillu taarsiinerminni Nuup atornissaa kigaatsumik paasiartulerpaat–
tamannalu aamma unnuinernik kinguneqartarpoq, akunnittarfimmi pisortaq oqarpoq.
Nuuk
illoqarfittut takornariarfittut ineriartortoq Nuuk takornariarfissatut pitsaaneruleriartortoq
ukiullu tamaasa tamanna annertusiartortoq akunnittarfimmi pisortap nassuiarpaa. Ilaatigut Hotel Hans Egedep akunnittarfik akikitsoq HHE-Express kiisalu
illoqarfiup qeqqani inissiat akunnittarfiit sanasimavai.
Tamatuma saniatigut
takornarialerisut amerliartortut misigisassanik tunisassiorput, tamannalu
peqqutigalugu aamma illoqarfik takornariarfissatut soqutiginarnerulerpoq.
– Kalaallit Nunaanni sumiiffinnilu
allarpassuarni – sulisussanik ilinniarsimasunik amigaateqarneq - aamma
suliassaqarfinni amerlanerpaani atuuttoq - unammillernarnerpaavoq. Inuusuttut
amerlanerusut suliassaqarfimmi ilinniarnissaat kissaatiginartippara, Jørgen S.
Bay-Kastrup oqarpoq.
