Timmisartumik attartornikkut timmisartuussinissat ingerlanneqassapput
Spaniamiut timmisartuutaata ilaasut Danmarkip Kalaallit Nunaatalu akornanni atlantiku ikaarlugu timmisartuunneqarnissaat isumagissavaat
Sapaammi Københavnip Kangerlussuullu akornanni timmisartuussinissat ingerlanneqassapput, taamaattoq Air Greenlandip Airbus'iutaa atorneqassanngitsoq, Air Greenland tusagassiutinut nalunaaruteqarpoq.
Spaniamiut timmisartuutileqatigiiffiat Mint Airways, Boing 757 attartorfigineqarsinnaanera iluatsissimavoq, taannalu Københavnimit danskit nal. 11.30 aallassaaq Kangerlussuarmut nunatsinni nal. 12.10 tikissalluni.
Kangerlussuarmit nal. 13.10 aallaqqissaaq, Københavnimut apuutissalluni 21.30 danskit. nal.
Timmisartoq attartugaq 232'nut inissaqarpoq taamaammat ilaasussat tallimanngormalli aallanngitsoornikut tamarmik sapaammi apuuffissaminnut pissapput.
Air Greenlandip ilisimatitsissutiginngilaa Airbus Norsap timmisinnaannginneranut suna akornutaanersoq.