Ilulissani timmisartup ajutoornera
Timmisartup Dash 8-p ajutooreernerata kingorna assilineqartut
Timmisartut ajutoorsimanerinik misissuisartut nalunaarusiaanni assinik aamma imaqarpoq. Timmisartup iluata tungaanit qulaaniillu assit takukkit
Dash 8-imi aquttuusut ilaatigut kukkuluttornerat pissutaalluni timmisartup Ilulissanut minnerat ajutoorfiusoq Timmisartut ajutoorsimanerinik misissuisartut nalunaarusiaanni atuarneqarsinnaavoq. Timmisartoq minnermini sisoorpoq, januaarip 29-anili ajutoornermi qujanartumik ilaasunik annertuumik ajoqqusertoqanngilaq.
Timmisartut ajutoorsimanerinik misissuisartut nalunaarusiaat ullumi sisamanngornermi saqqummiunneqarpoq, taannalu 113-nik qupperneqarpoq.
Nalunaarusiami assilineqarsimasut aamma ilanngunneqarput, tassani timmisartup ajutoortup iluanit qulaaniillu assilineqarneqarnerat takuneqarsinnaapput.
Air Greenlandimi pisortaaneq Michael Højgaard aamma timmisartornermut pisortaq Jacob Nitter Sørensen nalunaaquttap 15.00-ip kingorna apersorneqarsinnaanngussapput, Air Greenlandimi attaveqatigiinnermut pisortaa Katrine Hjelholt nalunaarpoq.
Nalunaarusiaq talerpiata tungaani atuarneqarsinnaavoq
Assit ataani takukkit