Allagartaq
Tuborg susoqartoruna?
Tuborgip tuniniaanermut allattoqarfiata 'Asasaarannguaq'-mik tuneqqusaarutiliorsimanertik oqaaseqarfigerusunngilaat
Immiaaqqap Tuborgip Kalaallit Nunaanni tuneqqusaarutiliaat nutaaq annertuumik isornartorsiorneqarpoq.
Tuneqqusaarutissamut siullermik unammisitsipput, kisianni ajugaasoq toqqagaat isornartorsiorneqangaatsiarpoq.
Meeqqat Illersuisuat Aviâja Egede Lynge isornartorsiuivoq, tassani immiaaqqami allagartaritinneqartoq eqqortuunngitsoq isornartorsiuilluni.
Ullormi tassani juulip 21-ani, Martin Brandtip una titartarpaa.
Isumaa paatsoorneqarsinnaasoq
Martin Brandtip Sermitsiaq.AG-mut nassuiaatigaa titartakkani ima: Anaanap asasaaranngua.
Facebookikkut aamma annertuumik isornartorsiuisoqareerpoq.
Ilaatigut 'asasaaranngua' kiisalu danskit oqartaasiat 'jeg elsker' assigiinngitsuusut.
Tuborgilli isornartorsiorneqarnertik qisuariaateqarfiginngilaat.
Sermitsiaq.AG-ip Tuborgip Kalaallit Nunaanni tuniniaanermut pisortaa Ole Karlshøj apeqquteqarfigigaluarpaa, apeqqutilli suli akineqanngillat.
Sermitsiaq.AG-mit paaserusunneqarpoq arlaannik iliuuseqartitsisoqassanersoq.
Allagartamut 'Asasaarannguamut' tunngatillugu saqqummiutinnginnerani qanoq isumaliuteqartoqarsimanersoq, aamma allagartap peerneqarnissaa qanoq iliuuseqarfigineqassanersoq paaserusunneqaraluarpoq.
Allagartaq peerneqartariaqartoq
'Asasaarannguara' peerneqassanersoq nittartakkami atuartut aperineqarput.
Inuppassuit taasititsineq peqataaffigaat.
Allagartaq peerneqassanngitsoq 60 procentit isumaqarput, 37 procentit akerliusut.