Tusass: Nalunaaquttap akunneri qulingiluat naammanngillat
Tusassip pisortaata Kristian Reinert Davidsenip nassuerutigaa suliffeqarfiup ajornartoornermi upalungaarsimanera naammassimanngitsoq.
Tusass-imut tupaallannarpoq Nuummi innaallagissap nalunaaquttap-akunneri 16-it sinnerlugit qamittooqqanera. Tamanna Tusassip pisortaata Kristian Reinert Davidsenip nassuerutigaa, tunniutiinnarlunilu maannakkullu upalungaarsimaneq pitsanngorsarniarpaa. Aviisi Sermitsiaq allappoq.
– Piareersimanermut atortugut nalunaaquttap akunnerini qulingiluani atuussinnaasutut piareersagaapput, unamminartunik naammattuuinngikkallaratta. Paasivarput tamanna naammanngitsoq maannakkut pisoq ilinniarfiginiarparput, Davidsen Sermitsiamut oqarpoq.
– Tusass-imut suliassaq pingaarnerpaajuvoq pilersuinerup isumannaatsuunissaa, maannakkullu aallartippugut misissorlutigu nuna tamakkerlugu tele attaveqaatitigut aqqutit qulakkeerneqarnissaat, piffissami sivisunerusumi innaallagiaq qamittuussappat.
Ilikkarfigisariaqarparput
– Ajutoornermi pissamaateqarpugut takkut aarlerinartoqarfinni atorpavut attaveqartoqarsinnaalluni. Kisianni pisumi taamak ilungersunartigisumi sapaatit akunnerani kingullermi misigisatsinnik ajornartoornermi aaqqiinerput naammanngilaq, ilaatigut taama Kristian Reinert Davidsen Sermitsiamut oqarpoq.
Allaaserisaq tamaat uani Sermitsiami pisiarisinnaasanni atuaruk: