NATO Østersømi
nakkutilliinerminik annertusaavoq, sakkutooqatigiinnik tamaaniititaqarluni,
ilaatigut umiarsuarnik sorsuutinik timmisartunillu sorsuutinik Danmarkimeersunik.
Tamatumani ilaatigut siunertarineqarluni attaveqaasersuutinik pingaarutilinnik,
soorlu attaveqaatinut kabelinik aamma innaallagissamut ledninginik nakkutiginninnissaq.
NATO Østersømi
nakkutilliinerminik annertusaavoq, sakkutooqatigiinnik tamaaniititaqarluni,
ilaatigut umiarsuarnik sorsuutinik timmisartunillu sorsuutinik Danmarkimeersunik.
Tamatumani ilaatigut siunertarineqarluni attaveqaasersuutinik pingaarutilinnik,
soorlu attaveqaatinut kabelinik aamma innaallagissamut ledninginik nakkutiginninnissaq.
Innaallagissap ledningii immap naqqatigoortut kabelillu immap
naqqatigoortut qaammatini kingullerni kipineqartareersullu, nakkutilliineq
annertusineqarpoq.
Østersømi
attaveqaasersuutinik ajortumeerisoqarnerata kinguneranik Nunatsinni
nalunaarasuartaateqarfiup Tusassip pisortaanera Toke Binzer ministeriunermut
Mette Frederiksenimut oqariartuuteqarpoq, tamatumani Atlantikup Avannaa
annerusumik aarlerinartorsiornerarlugu.
Taassuma
kajumissaarutigaa, immap naqqatigoortumik kabelimik nutaamik
malussarniutilimmik piaarnerpaamik kabeleqalissasoq, nunanik Atlantikup
Avannaaniittunik attaveqaqatigiilersitsisussamik.
Kabeli
immap naqqatigoortoq salliutinneqartariaqartoq
- Taamaattumik
Danmarkimi naalakkersuisut kajumissaarpakka, Atlantikup Avannaani
attaveqaasersuutit pingaarutillit illersorneqarnissaat isumageqqullugu,
Østersømiinnaanngitsoq.
- Atlantikup
Avannaani attaveqaammik taamaattumik pilersitsinissaq Tusassimi
sallerpaatinneqarpoq. Aningaasalersornissaata inissinneqareerneranit kabelip
pilersinnissaanut ukiunik pingasunik sisamanilluunniit sivisussuseqassaaq, 3
milliardit koorunillu missaannik akeqartussatut missingersorparput.
- Aningaasartuutigineqartussat
Tusassip kisimiilluni matussusersinnaanngilai, Naalagaaffeqatigiilli
tamarmiullutik tamanna isiginiartariaqarpaat, Toke Binzer Sermitsiami
apersorneqartilluni oqarpoq.
Tusassimi
Namminersorlutik Oqartussanit tamakkiisumik pigineqartumi pisortap tikkuarpaa,
“kabelit immap naqqatigoortut maanna atorneqartut ajortumeerneqarsinnaanerannut
aarlerinartorsiortugut”.
-
Taamaattumik Atlantikup Avannaani kabelimik immap naqqatigoortumik
malussarniutilimmik pilersitsisoqartariaqarpoq, Danmarkimit Savalimmiunut aamma
Kalaallit Nunaannut attaveqaataasussamik, pisortaq oqarpoq.
Nunatta,
Savalimmiut Danmarkillu akornanni immap naqqatigoortumik malussarniutilimmik
kabelimik pilersitsinikkut Danmarkimi sakkutuut aamma NATO kabelip eqqaani
susoqarneranik aamma nakkutilliisinnaalissasut, Toke Binzer isumaqarpoq.
Tusassimi
pisortap oqaatigaa, malussarniutit kabelinut immap naqqatigoortunut
ikkunnerisigut umiarsuit angallatillu kabelip immap naqqatigoortup
qulaatigoortut takuneqarsinnaassasut.
- Taamaalilluni
kabeli immap naqqatigoortoq ajortumeerneqarpat susoqarnersoq
takuneqarsinnaassaaq immaqalu pinngitsoortinneqarsinnaassalluni, oqarpoq.
Attaveqaasersuutitigut sorsuunneq
Attaveqaasersuutitigut
Danmarkimi malugineqarluarpoq, Danmarkimi sakkutuut imarsiortut Kinamiut
umiarsuaat assartuut novembarimi unitsimmassuk, ajortumeerisimasutut
pasisartik, tassa Østersømi kabelinik attaveqaasersuutinik kipisisimasutut
pasisaminnik.
- Immap
naqqatigoortut kabelit, ullutsinni Kalaallit Nunaannit Islandimut aamma
Europamut kiisalu Canadamut attaveqaataasut taama assingusumik
pineqarsinnaanerat ernumanartoqartippara.
- Kabelit
immami itisuumiipput. Kalaallit Nunaata imartaaniittut nakkutigisaraavut.
Soorlu kilisaatit nassitsissutitik ikumatikkaangatigik, mianersornissaannik
nalunaarfigisarpavut, qalorsuit allallu kabelitsinnik ajoqusiinnginniassamata,
Toke Binzer oqarpoq.
Tusassilli
kabelii nunat tamalaat imartaanniittut ajortumeerneqarsinnaanerat
ajornartorsiutaavoq.
- Kabelikkut
attaveqaatip ilarujussua nunat tamalaat imartaanniippoq taamalu
ajortumeerneqarnissaminut aarlerinartorsiorluni. Tamanna nunarsuarmi nunani
allani assersuutissaqartoq takoreerparput, soorlu Østersømi, tamaanimi
Nordstreamip gassimut ruujoriutaa qaartinneqarmat.
- Tusassip
kabelii ajortumeerneqassappata, Kalaallit Nunaanni immaqa qaammaterpassuit atorlugit
iluarsaannerinut pilerseqqinnerinullu atortariaqarsinnaavavut, Toke Binzer
ilimasaarivoq.
Nunarput
avammut atassutaarussinnaasoq
Taassuma
“Østersøp sammineqartorujussuanngornera” nuannaarutigaa, ilaatigummi
naalagaaffiit arfineq-pingasut siuttui, sapaatip akunnerisa arlaqanngitsut
matuma siornagut katersuullutik oqaluuserimmassuk, imartami immap
naqqatigoortunik kabelerpassuaqartumi aamma attaveqaatinik kabeleqartumi qanoq
iliortoqassanersoq.
Danmarkimi,
Sverigemi, Finlandimi, Estlandimi, Letlandimi, Litauenimi, Polenimi aamma Tysklandimi
nunat siuttui naapillutik “piffissami kingullermi pisartut ilungersunartut,
tassa Østersømi attaveqaasersuutinik immap naqqatigoortunik ajoqusiinerit
amerleriarnerat oqaluuseraat”. Finlandimi illoqarfiit pingaarnersaanni
Helsinkimi ataatsimeersuarfiusumit ataatsimoortumik ilaatigut
nalunaarsiortoqarpoq.
- Kalaallit
Nunaata Atlantikullu Avannaani nunat allat imartaasa taama sammineqarnissaat
amigaatigaara. Tusassip kabelii immap naqqatigoortut ajortumeerneqarpata,
Kalaallit Nunaanni attaveerussinnaavugut aamma internetikkut nunanut allanut
nunanillu allanit aamma attaveerutissalluni, Tusassip qullersaa Toke Binzer
oqarpoq.
Atlantikup
Avannaani immap naqqatigoortumik kabelimik nutaamik pisariaqartitsisoqarnera
pillugu Danmarkimi illersornissamut oqartussanut aamma Namminersorlutik
Oqartussat nunanut allanut Naalakkersuisoqarfiannut qanittumik
oqaloqateqartarluni taassuma oqaatigaa.
- Suliassaq
uatsinnit salliutinneqassaaq, pisortaq Toke Binzer oqaqqippoq.
Tusass Nunatsinni inuinnarnut
inuussutissarsiortunullu arlalissuarnik tuniniaanermik kiffartuussinissamillu
neqerooruteqarpoq. Ilaatigut tassaasunik oqarasuaatit angallattakkat,
bredbåndit aamma internet, oqarasuaatit angallattagaanngitsut kiisalu tv-kkut
aliikkutassanillu sullissinerit.
