Tuttunniarneq sivitsorneqarpoq
Qeqertarsuatsiaat eqqaanni tuttunniarnerup sivitsorneqarnera aningaasarsiutigalugu piniartunut kisimi atuuttoq, aalisarnermut, piniarnermut nunalerinermullu naalakkersuisoqarfik nalunaarpoq.
Annonse
Aalisarnermut, piniarnermut nunalerinermullu naalakkersuisoq Ane Hansen, Pinngortitaleriffimmik, KNAPK-mik, piniartunik piniarnermullu nakkutilliisunik tusarniaareerluni piniarfiusussami 5-imi, Qeqertarsuatsiaap avannaatungaani Kangerluarsussuarmiit kujammut Sioraq tikillugu, tuttunniarneq sivitsorniarlugu.
Tuttunniarneq 28. februar 2010 tikillugu ingerlanneqarsinnaassaaq.
Tammanna peqquteqarpoq piniarfimmi pineqartumi nerisassaqarfitsigut mangiaanerup annertuallaalernissaa aarlerigineqarmat.
Aalajangiussaq inuussutissarsiutigalugu piniartunut taamaallaat atuutsinneqarmat, naalakkersuisoqarfik erseqqissaavoq.