Tuukkaq sisamanngornermi ualikkut Nuup mittarfianit qangattarami, saarulliit nutaat karsit 75-it Royal Greenlandimeersut ilaatigut usivai.
Saarulliit – katillugit 696 kiilut – ullaaq manna Hanstholm Fiskeautionimi kaattaallugit tunineqarput. Kiilumut akii 35 koruuninit 43,50 koruunillu akornanniipput.
Tuukkaq sisamanngornermi ualikkut Nuup mittarfianit qangattarami, saarulliit nutaat karsit 75-it Royal Greenlandimeersut ilaatigut usivai.
Saarulliit – katillugit 696 kiilut – ullaaq manna Hanstholm Fiskeautionimi kaattaallugit tunineqarput. Kiilumut akii 35 koruuninit 43,50 koruunillu akornanniipput.
- Saarullinnut taamak angissusilinnut aki ajorisassaanngilaq, Hirtshals Fiskeauktionimi pisortaq Jesper Kongsted oqarpoq. Saarulliit Nuummeersut tamarmik 0,3 kiilup 2 kiilullu akornanni angissuseqarput. Saarulliit puussiamut poortukkat karsinut flamingonut ikillugit nassiunneqarput, taamaalilluni aalisakkat nilalersuutinut kalluutinngillat.
Misilinneqartariaqarpoq
- Kalaallit Nunaannit saarulliit nutaat nassiunnerat periusaavoq nutaaq, taamaammallu pisisartut annikitsukkuutaanik pisiortortut maluginiarpara – karsit 10 kiilunik imallit marlukkaarlugit. Saarulliit pitsaassusaat misilittarniaramikku taamaaliorput – pitsaasussaallu ajorinngikkunikku, tunineqarlualerumaartut upperaara, Jester Kongsted oqarpoq.
Pisortaq Jesper Kongsted, Hanstholm Fiskeauktionimeersup (tal.) kaattaassineq tallimanngornermi ullaakkut qallunaat nalunaaqutaat malillugu 6.45 aallartinngitsiartoq saarullinnik nutaanik usingiarnermik nakkutilliivoq
Jesper Hansen
- Qaammatini kingullerni saarulliit amigaataasimapput, taamaammallu saarulliit akii maannakkut pitsaapput – ukiortaarlu sioqqullugu apparunnanngillat, taamaammallu saarulliit pissarsiarisinnaasavut tamaasa tunisinnaavagut.
- Saarulliilli Kalaallit Nunaanneersut anginerusinnaanerat kissaatigigaluarpara. Taava akii aamma qaffasinnerussapput – taamaalillunilu Nuummit aalisakkanik nutaanik nassiussuineq imminut akilerluarsinnaanerussaaq, Jesper Kongsted oqarpoq, saarulliillu 7 kiilumit 12 kiilumut oqimaassusillit tallimanngornermi kiilumut 55,50 koruuninik akilersorneqartut oqaatigaa.
Assartuineq ingerlalluartoq
Tuukkaq siullermeerluni Nuup Københavnillu akornanni timminermini sisamanngornermi unnuap qeqqaleraa tikippoq. Saarullit niuneqareernerminni assartuisartumit Hansthholmiliaanneqarput, taakkulu qallunaat nalunaaqutaat malillugu 6.45 akitsorterinerup aallartinnissaa sioqqutilaarlugu anngunneqarput.
Royal Greenland Nuummit Hastholmimut saarullinnik nassitsisuuvoq.
Saarulliit nutaat Nuummit Hanstholmimut karsinut flamingonut poorlugit nassiunneqarput.
Jesper Hansen
- Nuup Kastrupillu akornanni toqqaannartumik aqqut nioqqutissiatta nutaat Europamut sukkanerusumik assartorsinnaanerannut periarfissanik nutaanik ammaavoq. Tamannalu pitsaassutsip qaffasissup pisisartut piumasaasa qularnaarnissaanut iluaqutaalluarpoq, aalisakkanik suliffissuaq namminersorlutik oqartussanit pigineqartoq Facebookimi allappoq.
Ukioq manna siusinnerusukkut Nutaaq Seafood aalisariutillu naalagaa Jens Peter Larsen, aalisariut Ajsemeersoq saattuanik uumasunik Nuummit Kangerlussuaq aqqusaarlugu Hanstholm Fiskeauktionimut nassitsivoq. Saattuat taamanikkut kiilumut 150 koruunit angullugit akilersillugit tunineqarput.
