Tuukkaq Trawl nutaamik tunisassiorfiliorniarpoq umiarsuarmillu pisilluni
Carl Christensenip Robert Møllerillu aalisartitseqatigiiffiatnutaaq Tunumi saarullinnik pisassiissutinik annertuunikpissarsiniarnissamik siunniussaqarpoq. Tamannailuatsissappat, ingerlatseqatigiiffik aalisariummikpisissaaq Kujataanilu imaluunniit Tunumi nutaamiktunisassiorfiliussalluni.
– Naalakkersuisut Tunumi saarullinnut 7.500 tonsinut akuersissummik tunissappatigut, aalisariummik nutaamik pisissaagut nutaamillu tunisassiorfiliussalluta.
Taama Kalaallit Nunaanni inuussutissarsiortoq aningaasaateqarluartoq misilittagartoorlu Carl Christensen, Tuukkaq Trawlimut pilersinneqaqqammersumut pingaarnertut tunuliaqutaasoq, Sermitsiamut oqarpoq.
Taama aviisi Sermitsiaq allappoq.
Carl Christensen aktiat 70 procentiinik piginnittuuvoq, piginneqataalu Robert Møller 30 procentinik piginnittuulluni. Tuukkaq Trawl Nuummi angerlarsimaffeqarpoq, aktianillu 400.000 koruuninik aningaasaateqarluni.
Tunisassiorfittaassaq qularnanngitsumik Kujataani imaluunniit Tunumi inissisimassaaq. Kisianni akuersissut pissarsiarineqartinnagu Carl Christensenip oqaatigerusunngilaa, nammineq Robert Møllerilu pilersaarutiminnut uissuumminartunut sumi aamma millionit qassit aningaasaliissutigineqassanersut.
– Periarfissat suunerinik misissuissaagut akuersissummillu tunineqassagutta tunisassiorfiliussalluta. Maannakkorpiaq aalisariummik piukkunnartumik pisiassarsiorluta tamaviaarluta suliaqarpugut, Carl Christensen oqarpoq.
Naalakkersuisut aalajangersimapput Tunumi 2023-mi saarullittassiissutinik 7.500 tonsinik aalisarnermi ingerlatsisumut nutaamut immikkoortitsiniarlutik. Tamatuma saniatigut ingerlatsisoq nutaaq suluppaakkanik 400 tonsinik pisassiissuteqarfigineqassaaq.
Allaaserisaq tamaat Sermitsiami sapaatip-akunnerani saqqummersumi atuaruk, uani:
