Ukioq manna siullermeersumik: RAL-ip tapiliuttagaq appartippaa

Uuliamut aningaasallu nalinginut tapiliuttagaq maanna 30,73 procentiusoq septembarip aallaqqaataaniit 27,46 procentinngussaaq.

Royal Arctic Linemit nittartakkakkut taamatut ilisimatitsipput.

Ingerlatseqatigiiffiup orsussamut akiliutigisartagaasa aalaakkaanerulersimanerisa, taamatuttaarlu aningaasat nalingisa allanngorarnerisa aalaakkaanerulersimanerisa malitsigisaannik appaasoqarpoqa.

Imaatigut assartuinermut assartugassallu suliarineqarnerannut akiusoq ullumikkut 2.000 koruuniusimappat, taava uuliamut aningaasallu nalinginut tapiliuttagaq 549,20 koruuninik akeqalissaaq.

Tapiliuttagaq nalileeriaaseq 2010-meersoq uuliap akianut aningaasallu nalinginut agguataarsimasoq, taakkulu akiisa allanngorarnerannut malinnaatinneqartoq tunngavigalugu naatsorsorneqartarpoq.

RAL-imit ilisimatitsissutigineqarpoq, uuliamut aningaasallu nalinginut tapiliuttagaq uuliap akiisa aamma aningaasat nalingisa nalorninartoqarnerinut ingerlatseqatigiiffik isumannaallisarniarlugu atorneqartartoq.

Uuliamut aningaasallu nalinginut tapiliuttagaq 2021-p aasaanerani tre procentiusimavoq.