Norgemi saattuarniutit ”Arctic Pioneer”,
”Polar Pioner” aamma ”Kvitungen” siorna ukiup naaneraniilli
inuussutissarsiornermut saattuarniarnissamullu akuersissutimik, Barentip
imartaani saattuarniarnermi pisariaqartinneqartunik, annaasaqarnissaminnut
ulorianartorsiorput.
Norgemi aalisarnermut aqutsisoqarfik
sioorasaarisuuvoq.
Norgemi saattuarniutit ”Arctic Pioneer”,
”Polar Pioner” aamma ”Kvitungen” siorna ukiup naaneraniilli
inuussutissarsiornermut saattuarniarnissamullu akuersissutimik, Barentip
imartaani saattuarniarnermi pisariaqartinneqartunik, annaasaqarnissaminnut
ulorianartorsiorput.
Norgemi aalisarnermut aqutsisoqarfik
sioorasaarisuuvoq.
Ikinnerussuteqarluni piginneqataasoq Polar
Seafood Denmark, umiarsuaatileqatigiiffinni, aalisariutitulli ateqartuni, 40
procentimik piginneqataassutsiminiit suli pigisaqarnerusoq aalisarnermut
aqutsisoqarfik isumaqarpoq.
Tuungavilersuutigineqartoq tassaavoq Polarip
ingerlatseqatigiiffiit aningaasarpassuarnik taarsersugassarsitissimaneri, tassa
aningaasarpassuarnik atukkersimaneri. Tamannalu Norgemi inatsisinik
unioqqutitsineruvoq. Ingerlatseqatigiiffik Danmarkimiittoq taarsersugassiinerit
aqqutigalugit umiarsuaatileqatigiiffiit affai sinnerlugit piginnittuulersoq
taamaalillunilu aqutsisimasoq aqutsisoqarfik isumaqarpoq. Umiarsuaatiliup Per
Thore Kraknes umiarsuaatileqatigiiffinni piginnittuiunini attattuarsimavaa.
Allakkalli Sermitsiap
takunnissinnaatitaaffigilersimasai naapertorlugit aalisarnermut aqutsisoqarfiup
umiarsuaatileqatigiiffiit akuersissutaannik arsaarinninnissani ukioq manna
aggustip qiteqqunnerani tunuartissimagaa atuarneqarsinnaavoq.
- Akuersissutit
annaanissaannut sioorasaarneqareerluta suut tamarmik inissinnerat
nuannaarutigeqaarput. Arsaarneqarsimagaluarutta suliniutit 100 procentimik
naleerussimassagaluarput, Polar Seafood Denmarkimi pisortaq Henrik Leth oqarpoq.
Ingerlatsineq inatsisinik
unioqqutitsiunnaartoq
Polar Seafoodip ingerlatseqatigiiffiit
pingasut ”Arctic Pioneer”, ”Polar Pioner” aamma ”Kvitungen” katillutik norskit
aningaasanngorlugit 206 millionit koruuninik akiitsoqarnerannik
atorunnaarsitsinera tamatumunnga pissutaavoq. Aningaasat ilaatigut
umiarsuaatileqatigiiffiup amigartooruteqarfiusumik ingerlanneqarnerata
aningaasaliiffigineranut atorneqarput. Akiitsut atorunnaarsinneqarnerini
ingerlatseqatigiiffiit ingerlanneqarnerat inatsisinik unioqqutitsiunnaarpoq, aqutsisoqarfik
umiarsuaatileqatigiiffinnut allappoq.
Umiarsuaatileqatigiiffiit ullumikkut
sinneqartooruteqarfiusunik nammineq aningaasaateqaramik ikinnerussuteqarluni
piginneqataasumiit Danmarkiittumiit aningaasatigut ikiorserneqarnissaminnik
pisariaqartitsiunnaareerput, aqutsisoqarfik ilanngullugu allappoq.
Ingerlatseqatigiiffimmi paasissutissat
takussutissallu tunngavigalugit Norgemi umiarsuaatilik Per Thore Kraknes
aalisartutut umiarsuaatileqatigiiffinni aqutsisuusoq Aalisarnermut
aqutsisoqarfimmiit maanna nalilerneqarpoq. Taanna 50 procentit missaannik
piginneqataassuseqarpoq, Norgemiullu aappaa, Trygve Åsvestad, 10
procentingajannik piginneqataassuseqarluni. Taamatuttaaq Polar Seafood Denmark 40
procentinik piginneqataassuseqarpoq.
