Umiarsualiviup allinissaanut dollars-it
Sisimiut kommuniat Greenland Venture A/S-ilu suleqatigiillutik Sisimiuni umiarsualivik alliniarpaat. Aningaasaliisussarsiornermi USA saanneqarsimavoq.
Sisimiuni umirsualiviup allinissaanut aningaasaliisussarsisariaqarpoq, aningaasaliisussarsiornermilu USA saanneqarsimavoq.
Tamanna aalajangerneqarpoq, borgmester Hermann Berthelsen aamma Greenland Venture A/S-imi siulittaasoq Gert Broberg Lynge marlunngormat februaarip 19-iani isumaqatigiissut atsioqatigiimmassuk.
Umiarsuit takornariartaatit kilisaatillu Sisimiunut tikittartut ukiut kingulliit ingerlanerini marloriaatinngorsimapput, Hermann Berthelsen ilisimatitsivoq. Aamma ilisimatitsissutigaa, alilerinermik suliaq ingerlatillugu takornariartaassuit kilisaatillu tulassinnaasariaqartut. Tamanna erseqqissumik piumasaqaataavoq, Hermann oqarpoq.
Greenland Venture aningaasaleerusussinnaasussarsiorluni misissuilluni aallartereersimavoq.
– Greenland Venture-p neeriuutigaa, Sisimiuni umiarsualiviup allinissaa pillugu aningaasaliisinnaasumik ataatsimik arlalinnilluunniit qaammatini tulliuttuni qaninnerpaani inaarutaasumik isumaqatigiissuteqarsinnaanissani, taamak Gert Borberg aamma Hermann Berthelsen ilisimatitsipput.
– Sisimiut umiarsualiviat Greenland Venture-p amerikamiunut aningaasaliisartunut suliniutinut nittarsaanniakkanut ilaavoq. Tamanna pissaaq nunanut allanut tunngasunut piosrtaqarfi suleqatigalugu Joint Commitee majimi ataatsimiinneranut atatillugu Greenland Venture Kalaallit Nunaanni aningaasaliisinnaasunik periqarfissarsiorluni ujartuinermut (workshop) atatillugu, Gert Broberg Lynge aamma Hermann Berthelsen oqarput.