turisme
Umiarsuit takornariartaatit ilulissanit akornusersorneqartut
Ukiuni kingullerni pingasuni Qeqertarsuup Tunuani iluliaaqqat pissutaallutik umiarsuit takornariartaatit Ilulissanut tulannissartik taamaatiinnartarpaat
Ilulissat Kangerluanni aamma Qeqertarsuup Tunuani ilulissat sarfamit ingerlaartuarneri takornariarpassuarnit ukiut tamaasa Ilulissanut tikittartunit takujumaneqartaqaat.
Kisianni sikut pissutaallutik Qaasuitsup Kommuniani illoqarfiit pingaarnersaata umiarsuarnit takornariartaatinit tikinneqarnissaa ajornakusoortitsisarpoq.
- Ukiuni kingullerni pingasuni Sermeq Kujallermi aakkartartoq assorsuaq tunuarsimavoq ilanngaraangamilu siornatigornit naleqqiullugu minnerujussuarnik sikoqartitsisalerluni. Siornatigut iluliarsuit angisuut kangerluup anillariaani ikkarluttarput sivisoorsuarmik mattussisarlutik. Maannakkut paarlattuanik ilulissat minnerit ataavartumik sarfaatitipput kangerlummi initoqisunik. Tamakkua umiarsuarnut takornariartaatinut ajornartorsiuterpassuarnik pilersitsisarput, Ilulissani takornariaqarnermik ingerlatsivimmi World of Greenlandimi pisortaq Ulf Klüppel nassuiaavoq.
Qaasuitsup kommuniani susoqarnersoq sapaatip akunneranut saqqummertartumi Tamanut Avannaanimi atuaruk. Oqaluttuap sinnera tassani atuaruk. Aviisi akeqanngitsumik uani pissarsiarisinnaavat: