Umimmattassat piareerput
Piniarfigineqarsinnaasunut tamanut atuuppoq piniarsinnaanermut uppernarsaammik peqartut piffissami februaartip 1-ianiit marsip 10-ata tungaanut umimmanniarnissamut akuersissummik peqarnissaat.
Umimmattassanik agguaassinermi Kalaallit Nunaat piniarfiusinnaasunut marlunnut avinneqassaaq. Immikkoortoq Avannaani (Umimmaqarfik) piffissami 2009-mi februaarip 1-ianiit marsip 10-ata tungaanut umimmaat 400-it pisarineqarsinnaapput.
Pisassiissutit imatut agguarneqarput, sisimiunut 290-it Kangaatsiamut 95-it. Sinneruttut 15-it tammajuitsussarsiniarluni piniartunut 2009-mi pisassiissutinut ilanngunneqassapput. Kangerlussuarmi piniarfigeqqusaanngitsoq allanngortinneqarpoq, avannamut killeqarfigitinneqartoq kujammut nuutinneqarluni. Killeqarfii sumiinnersut kommunit allaffiini takuniarneqarsinnaapput.
Maniitsumi Kangerlussuarmilu inuussutissarsiutigalugu piniartunut piniarsinnaanermut akuersissutilinnut qummut killeqanngitsumik piniartoqarsinnaavoq. Tamaani aamma umimmaat snescooterinik ungoorinikkut misiligummik piniarneqarsinnaassapput, piniarneq pitsaanerpaamik angusaqarfiginiarlugu.
Ungoorineq taamaallaat immikkuullarissumik killilikkami piffissamilu aalajangersimasumi pisinnaavoq. Assersuutigalugu aamma qimussiinnarnut piniarfigeqqusaasumik piniarfeqassaaq.
Kommuni allaffiini annertunerusumik paasiniaasinnaavutit.
Pisanut tamanut atuuppoq, pisaqarsinnaanermut akuersissummik peqarnissaq, aamma umimmaap sumi pisarineqarsimanera immersugassiamut nalunaarsorneqassaaq. Taannalu piniarnerup taamaatinneraniit kingusinnerpaamik sapaatit akunneri pingasut qaangiutsinnagit.