KL

DK

Norgemi nunanut allanut ministeri:

- USA Naalagaaffeqatigiinnermi susassaqanngilaq

Norgep nunanut allanut ministeria Espen Barth Eide Trumpip Kalaallit Nunaannik tiguaaniarluni tatisinera sioorasaarineralu pillugit oqarpoq.

- USA Naalagaaffeqatigiinnerup iluani pissutsinut akuliuttussaanngilaq. Kunngeqarfiup Danmarkip kisimi oqartussaanera ataqqisariaqarparput, Norgemi nunanut allanut ministeri Espen Barth Eide oqarpoq.
Freelance Journalist
Saqqummersinneqarpoq

Donald Trumpip Kalaallit Nunaannik pisiaqarnissamik aqutsinissamillu kissaateqarneranut Kalaallit Nunaata Danmarkillu itigartitsinerat maanna aamma Norgemit tapersersorneqarpoq.

Nuna kinaluunniit, aamma USA, Naalagaaffeqatigiinnerup killeqarfiinik qaangertitsisinnaanngitsoq Norgemi nunanut allanut ministeri Espen Barth Eide oqarpoq.

Donald Trumpip Kalaallit Nunaannik pisiaqarnissamik aqutsinissamillu kissaateqarneranut Kalaallit Nunaata Danmarkillu itigartitsinerat maanna aamma Norgemit tapersersorneqarpoq.

Nuna kinaluunniit, aamma USA, Naalagaaffeqatigiinnerup killeqarfiinik qaangertitsisinnaanngitsoq Norgemi nunanut allanut ministeri Espen Barth Eide oqarpoq.

- Nunat allat, Norge, Sverige, USA Canadalu Naalagaaffeqatigiinnerup iluani pissutsinut attuumassuteqanngillat. Kunngeqarfiup Danmarkip kisimi oqartussaanera ataqqisariaqarparput. Tamanna ersarissumik oqariartuutigaarput, nunanut allanut ministeri, Issittumi Siunnersuisoqatigiinni siulittaasuusoq, Sermitsiamit apersorneqarluni oqarpoq.

Eide: - Tamanut oqaatigisarparput

- Norgep oqariartuut tamanna USA-p præsidentitaavanut nalunaarutigivaa?

- Oqariartuut tamanna periarfissaqarnerit tamaasa soqutiginnittunut tamanut, aamma Amerikamiunut, oqaatigisarparput. Aammami nunanit avannarlerniit Europamiillu USA-mut oqariartuutaavoq ersarissoq, nunanut allanut ministeri naqissusiivoq.

Donald Trumpip Kalaallit Nunaannut, Danmarkimut taamalu Naalagaaffeqatigiinnermut sioorasaarinera sapaatip akunnerani matumani Tromsømi ataatsimeersuarnermi Arctic Frontiers-imi sammineqarpoq. Politikerit, atorfilittat, ilisimatuut ilisimasallillu 1.000-init amerlanerusut ataatsimeersuarnermut peqataapput.

Oqallinnermi „Killeqarfiit akimorlugit“-mik taaneqartumi marlunngornermi Clarion The Edgemi ataatsimiittarfiusumi ulikkaaqqasumi Norgep issittumi "illoqarfiisa pingaarnersaanni" ingerlanneqartumi oqalugiartut Kalaallit Nunaat Kunngeqarfillu Danmarkilu eqqaallugulu Issittumi ataatsimoornissap qanoq pingaaruteqartiginera eqqaavaat.

Alaskami senatori isumakuluttoq

Oqalugiartut pingaarnersaata Espen Barth Eidep saniatigut Sara Olsvig, ICC-mi siulittaasoq, USA-mi senatori republikanerilu Lisa Murkowski Alaskameersoq aamma Canadami senatori Pat Duncan Yukonimeersoq oqalugiarput.

Murkowski, Trumpip Kalaallit Nunaannik pisinissamik pilersaarutaanut tunngatillugu isornartorsiuisorujussuaq, præsident Trumpip taamatut pisiortornissamik nalunaaruteqarnera pimoorunneqarnersoq ataatsimeersuarnermi aqutsisumit aperineqarpoq.

- Tamanna Præsident Trumpip kisimi nalunngilaa. Illartoqarsinnaavoq quiasaarutigineqarsinnaavorluunniit. Naalakkersuisuisali nutaat tamanna pimoorullugu isigivaat. Tamanna ernumanartorujussuuvoq. Kalaallit Nunaammi ilitut isigineqassaaq, pigisatut tiguagassatuunngitsoq.

- Kalaallit namminneq aalajangiisinnaatitaanerannik aningaasaqarnerannillu akuerinninneq USA-miittunut pingaaruteqarpoq, senatori oqarpoq.

USA-p Trumpip oqarneratut USA-p Kalaallit Nunaat pisiariniarlugu oqarnani ataqqinnittumik suleqatigisariaqaraa nangilluni oqarpoq:

- Pilersaarusiornissaq eqqarsaatigalugu iliuuseqarnerusinnaallutalu sillimaniarnermut tunngasut sulissutiginerusinnaavavut. Sorsunnersuup aappaani taamaaliorlutalu Kalaallit Nunaannit sakkutooqarfeqarpugut.

- Attaveqaatit taakku ingerlatiinnarsinnaavagut. Aningaasaqarneq niuernerlu ingerlatiinnarsinnaavagut. Aamma Kalaallit Nunaanni Alaskamilu inuit kulturikkut ataqatigiinnerat ingerlatiinnarsinnaavarput. Sorpassuit suli suliarineqarsinnaapput.

Pituffik Space Base, siornatigut Thule Air Baseiusimasoq, 1943-mi USA-mit pilersinneqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

danmark donald trump norge kalaallit nunaat inuussutissarsiutit espen barth eide

ATORFIIT Se alle jobs

Powered by Labrador CMS