Nuummi logistikkimik ingerlatsivik
Usisaat aningaasatigut akisunaareqqippoq. Tamanna 2023-mut naatsorsuutaani
takuneqarsinnaavoq.
Ukiumut isertitat 30.111.000 koruuniupput ukiup siuliani 31.124.000 koruuniusut.
Akileraarutit ilanngaatigereerlugit angusat
-9.299.000 koruuniupput ukiup siuliani
-3.874.000 koruuniusut. 2023-mi naatsorsuutigineqarsimavoq isertitat 35 millionit
koruuniussasut akileraarutillu ilanngaatigereerlugit nalinginnaasumik angusat 6-7 millionit koruuninik amigartooruteqassasut,
taamaammallu naatsorsuutit ilimagisamit
ajornerujussuupput.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Nuummi logistikkimik ingerlatsivik
Usisaat aningaasatigut akisunaareqqippoq. Tamanna 2023-mut naatsorsuutaani
takuneqarsinnaavoq.
Ukiumut isertitat 30.111.000 koruuniupput ukiup siuliani 31.124.000 koruuniusut.
Akileraarutit ilanngaatigereerlugit angusat
-9.299.000 koruuniupput ukiup siuliani
-3.874.000 koruuniusut. 2023-mi naatsorsuutigineqarsimavoq isertitat 35 millionit
koruuniussasut akileraarutillu ilanngaatigereerlugit nalinginnaasumik angusat 6-7 millionit koruuninik amigartooruteqassasut,
taamaammallu naatsorsuutit ilimagisamit
ajornerujussuupput.
Usisaat ukiuni marlunni kingullerni
12 millionit koruunit sinnerlugit annaasaqarpoq. Amigartoorutit suliffeqarfiup
nammineq aningaasaataanik matussuserneqarput, maannalu pigineerussimallutik.
2023-p naanerani nammineq aningaasaatai
1.548.000 koruuniupput. Tamatuma saniatigut suliffeqarfik 118 millionit koruuninik
akiitsoqarluni.
Naammaginanngitsoq
Suliffeqarfimmi aqutsisut nalunaarusiaanni
angusat »naammaginanngitsutut« oqaatigineqarput.
»Suliffeqarfiup 2023-mut naatsorsuutai Qeqertanut nuunnermut atatillugu
aningaasartuutit qaffasissut pissutigalugit
annertuumik unammillerneqarsimapput.
Suliffeqarfiup sullitai aamma arlalinnik
unammilligassaqarsimapput, ilaatigut
nunarsuarmi assartuinermut akit atortullu
akiisa qaffakkiartornerannik pissuteqartumik. Tamatuma saniatigut suliffeqarfiit
arlallit Kalaallit Nunaanni ingerlatsinerminnik unitsitsinissartik eqqarsaatigisimavaat.
Tamatuma kingunerisaanik suliffeqarfiup
sullitaasa annerpaat ilaat sanaartornermik
niuernermillu suliaqartut qaammatini
kingullerni arfinilinni arfineq-pingasunilu
annertuunik arlalinnik kinguartitsisariaqarsimapput, taakku suliffeqarfiup 2023-mut
missingersuusiornermini naatsorsuutigisimagaluagai. Tamanna suliffeqarfiup 2023-
mi angusaanut ajortumik sunniuteqarpoq.«
Taamaattoqarnera Usisaatip maanna
ingerlatsineratut ingerlaannarsinnaajunnaarneranik kinguneqarpoq. Suliffeqarfiup
siulersuisuisa Usisaat tuniniaraat Sermitsiap
maajip aallartilaarneranili allaaseraa.
Immikkoortukkaarlugu
2023-mut naatsorsuutit naapertorlugit
tuniniaaneq immikkoortunut agguataarneqassaaq:
»Niuerfiit misissoreerlugit nalilereerlugillu aalajangerpugut ukunani soqutiginnittunik pisisoqarsinnaanersoq paasiniarlugu:
– Pisatanik assartuineq og Spedition Air
& Oceanip pigisaanik ingerlatsineranillu
pisineq
– Autoservicep pigisaanik ingerlatsineranillu pisineq
– Nuummi (Qeqertanut 1), Narsami
Aasiannilu illut pisiarineqarlutillu ingerlanneqalerlutik
Aviisimi allaaserineqartutut Usisaat
Flytteservice aamma Usisaat Spedition Air
& Ocean pisisussaqalereerput, maannalu
Autoservice kisimi pisisussarsiunneqarluni.
Taamaalilluni Usisaat maannatut isikkoqarluni atorunnaarsinneqassaaq.
Usisaat ukiup 2023-p naanerani agguaqatigiissillugu 64-inik sulisoqarpoq, 2022-mi
62-inik sulisoqarsimalluni.
Sermitsiap pisortaaneq Kenneth Jahn
Andersen ukiumoortumik naatsorsuutit
pillugit oqaaseqartinniaraluarpaa, saaffiginninnivulli qisuariarfiginngilai.
