Utoqqalinersiuteqalernissamut ukiorititat qaffanneqarnerisigut Nunatta Karsiata miliuunilikkaanik isertitaqarnissaa qulakkeerneqartoq
Utoqqalinersiuteqalernissamut ukiorititat aappaagu 66-iniit 67-inut qaffanneqarnissaat pilersaarutaavoq, Nunatta Karsia taamaalilluni ukiumut 35 millioner koruuninik iluanaaruteqartassaaq, naatsorsuutigineqarluni 2030-mi ukiumut 50 millioner koruuninik iluanaaruteqartalernissaa
Naliliisoqarpoq 2021-mi Utoqqalinersiuteqalemissamut ukiut 67-inut qaffanneqanngippata akisunaarneqassaaq.
Siumumi siulittaasup tulliata Karl-Kristian Krusep paragraf 37 naapertorlugu Naalakkersuisunut apeqqutigisimavaa, utoqqalinersiaqalernissamut ukiorititat qaffanneqanngippata inuiaqatigiinnut aningaasaqarnikkut qanoq kinguneqassanersoq. Apeqqumminut tunngavilersuutigisimavaa utoqqalinersiuteqalernisasmut ukiorititat 65-iniit 66-.inut siorna qaffanneqarsimanerat.
”Aningaasaqarnikkut imminut napatissinnaaneq ajoseriangaatsiassasoq”, Aningaasaqarnermut Naalakkersuisoq Vittus Qujaukitsoq akissuteqarnermini erseqqissaavoq.
Aningaasat taamaammat qaffattut
Tamatumunnga pissutaavoq, aningaasartat taakkua innuttaasut amerliartornerat, inuit 66-inik ukiullit amerlanerulernerannik kinguneqartussaq, pissutigalugu 2030-mi 35 millioner koruuniniit 50 millioner koruunit missaannut qaffannissaat.
- Tamatuma taamaalilluni malitsigissavaa piffissaq ungasinnerusumi pisortat aningaasaataannik attassiinnamissamut ajornartorsiutaasoq, isertitat aningaasartuutillu assingiinngippallaalernerat aningaasanik amerlaqataannik ajomerulersinneqartussaavoq. Tamatuma saniatigut isumalluutit siunertamut tassunga atomeqartut, suliap pissusissamisoornerani suliniuteqarnernut allanut, pisortat aningaasaqarneranni piffissami ungasinnerusumi oqimaaqatigiissitsinissamik qulakkeerinneqataasussanut, taamaallaat atorneqarsinnaassanngillat, akissuteqaammi allassimavoq.
Ukiut apparneqassappata
Karl-Kristian Krusep peqatigitillugu paaserusussimavaa, utoqqalinersiuteqalernissamut maanna ukiorititat 66-iniit 65-isunut apparneqassappata qanoq Nunatta Karsianut aningaasartuutaatigissanersut.
- Naliliisoqarpoq 2021-mi utoqqalinersiuteqalernissamut ukiut 65-inut appartinneqarnerat Nunatta Karsianut ukiumut 70 millioner koruunit missaannik akeqartussaasoq. Aningaasartuutini taakkunani ilaatinneqarput utoqqalinersiutinut aningaasartuuteqarnerulerneq aammalu suliffeqartunit akileraarutitigut isertitakinnerulerneq. Aningaasartat taakkua 2030-mi 100 millioner koruunit missaannut qaffassasut naliliisoqarpoq, tassami inuit 65-inik aamma 66-inik ukiullit amerlanerulertussaammata, Vittus Qujaukitsup akissutaani tamann atuarneqarsinnaavoq.