Uuliap akitsornerata raajaniktunisassiorneq ajornarsisinnaavaa
Kalaallit Nunaanni Sulisitsisut Peqatigiiffiata ikummatissat akitsornerat aalisanermik inuussutissarsiornermut akisoorujussuussanerarpaa.
Ikummatissat akitsoraluttuinnassappata Kalaallit Nunaanni aalisartarneq soorlu assersutigalugu raajanik, imminut akilersinnaajunnaarsinnaavoq.
Kalaallit Nunaanni Sulisitsisut Peqatigiiffiata direktøria Henrik Leth taamatut nuanniitsumik ilimasaarivoq.
Peqatigitillugulu aningaasaqarnermut naalakkersuisup Aleqa Hammondip, Siumut, oqallisissiamini uuliap akiisa qaffakkaluttuinnarnerat inuiaqatigiinnik sakkortuumik eqquissanerarpaa.
Henrik Lethip ikummatissat akiisa qaffakkaluttuinnarnerat raajalli ikiliartornerat inuussutissarsiornermut sakkortuumik sunniuteqarumaartutut ilimasaarutigaa.
- Raajat ikiliniikuupput. Imaappoq kilumik pisaqarniarluni piffissaq sivisunerusoq atorneqartalernikuuvoq. Atuisartut raajat qaffasinnerusumik akilertarumanngippatigit raajarniarnissaq imminut akilersinnaajunnaartussaavoq, Henrik Leth oqarpoq.
Sermitsiaq Inuussutit atuaruk.