Uuliasioqqissamaalerput
Flere multinationale selskaber gør sig klar til at bore efter olie i Baffinbugten
Uuliasiortitseqatigiiffiit Cairn Energy, Maersk Oil, Shell aamma ConocoPhillips uuliasiornerup inuiaqatigiinnut sunniutigisinnaasaanik misissuipput uuliasiorluni qillerinissamut piareersaatitut.
Inuiaqatigiinnut sunniutaasinnaasut misissorneqarneranni NunaOil suleqatigineqarpoq.
- Naatsorsuutigaarput misissuinerit aasamut naammassiumaartut, Cairn Energy nalunaarpoq.
Cairn Energy, Maersk Oil, Shell aamma ConocoPhillips Baffinbugtimi uuliasiornissamut akuersissutinik peqarput.
Uuliasiorluni qillerinerit aallartitsinnagit inuiaqatigiinnut sunniutaasinnaasut misissorneqartussaapput. Cairn Energy kisiartaalluni maannamut nalunaarpoq aappaagu qilleriniarluni.
14-riarluni Nunatta imartaani uuliasiorluni qillerisoqarnikuuvoq tamarmilli maannamut uuliamik nassaarfiunngillat.