Uummannamiit
Ilulissanut Upernavimmullu toqqaannartumik timmisartuussisoqarsinnaanngorlugu
mittarfittaarnissamik periarfissanik misissuisoqassasoq politikkikkut
ukiorpassuarni kissaataavoq.
Uummannaq
mittarfittaarpat nunap ilaani angallannermut iluaqutaasinnaanersoq Rambøllimit
2020-mi sukumiisumik misissuiffigineqarpoq. Illoqarfimmi aalisartoqarfiusumi
1.400-t missaannik innuttalimmi mittarfiliortoqarsinnaanngitsoq
inerniliunneqarpoq, aaqqiissutissatullu pitsaanerpaasoq tassaasoq
qulimiguulimmik timmisartuussineq.
Uummannamiit
Ilulissanut Upernavimmullu toqqaannartumik timmisartuussisoqarsinnaanngorlugu
mittarfittaarnissamik periarfissanik misissuisoqassasoq politikkikkut
ukiorpassuarni kissaataavoq.
Uummannaq
mittarfittaarpat nunap ilaani angallannermut iluaqutaasinnaanersoq Rambøllimit
2020-mi sukumiisumik misissuiffigineqarpoq. Illoqarfimmi aalisartoqarfiusumi
1.400-t missaannik innuttalimmi mittarfiliortoqarsinnaanngitsoq
inerniliunneqarpoq, aaqqiissutissatullu pitsaanerpaasoq tassaasoq
qulimiguulimmik timmisartuussineq.
Uummannami
nunaqarfiit tallimat qulimiguulimmik timmisartuussiffigineqartarput, Qaarsunilu
mittarfik Ilulissanut attaveqaataavoq. Angallannerli suli ilungersunartoq
Siumut sinnerlugu Avannaata Kommuniani kommunalbestyrelsimut ilaasortaq
Ukkusissaneersoq Jakob Petersen oqarpoq, taamaattumillu Naalakkersuisut
siunissaq ungasinnerusoq eqqarsaatigalugu aaqqissutissarsioqqullugit
kajumissaarpai.
Aaqqiissutissaq
naleqqutinngitsoq
Kalaallit
Nunaata Kitaani naatsunik mittarfiliortiternernut atatillugu Uummannami aamma
mittarfiliortoqassasoq 1990-ikkunni nalilerneqartoq periarfissaq pillugit
misissuinermi allassimavoq. Illoqarfiup qanittuani mittarfiliornissaq
ajornakusoorpallaartoq paasineqarmat Qaarsuni 1999-imi mittarfiliortoqarpoq,
Uummannamut qulimiguulimmik attaveqarfiusumik. Maannakkut aaqqiissut, tassa
ungasinnerusumi mittarfeqarneq Uummannamilu qulimiguulimmik angallassisarnerit,
tunngaviatigut silatusaarnerunngitsoq aamma nalileqarpoq. Tassa Qaarsut
Uummannallu akornanni angalaneq piffissartorfiunerullunilu akisuneruvoq.
Suli
unammilligassaqaqisoq
Qulimiguulimmik
H155-imik angallassinissat taamaatinneqartarnerat suli amerlasut Jakob Petersen
oqarpoq. Aamma Ilulissaniit Qaarsuarsunnut timmisartuussinissat
taamaatiinnarneqartartut amerlasut aamma eqqaavai.
Uummannami
borgmesteriusimasoq Ukkussissarmiu Jakob Petersen kommunalbestyrelsip Ilulissani
ataatsimiinnerani suli peqataasarpoq. Ukkusissaniit qulimiguulimmut ilaalluni
Uummannamukartarpoq, unnueriarlunilu Qaarsunut qulimiguulimmik
ingerlaqqeriarluni timmisartumut ilaalluni Ilulissiartarluni. Taamatulli
angalaneq ajornaatsuinnaagaluartoq aporfissaqartarlunilu kinguaattoorfiusarpoq.
Taama
naatsigisumik angalaneq qulimiguulimmik timmisartuussinissaraluit
taamaatiinnarneqartartut amerlammata ullualunnik sivisussuseqarsinnaasarpoq.
Naak Air Greenlandip qulimiguuliutini pisoqqat B212-it nutaanerusunut H155-inut
taarsersimagaluarai. Taamatut aaqqiineq iluatsinngitsoorsimasoq paasinarsivoq,
tamannalu soorunami akuerineqarsinnaanngitsoq oqarpoq.
Naalakkersuisut
kajumissaarineq
Arctic
Umiaq Linep Sea Greenlandilu Ilulissat, Uummannap Upernaviullu akornanni Targa
37-mik aqqaneq-marlunnik ilaasoqarsinnaasumik ilaasunik angallassinissamik
isumaqatigiissuteqaraluartut utaqqiisaasumik aaqqiissutissaannaavoq.
Naalakkersuisut sivisunerusumik atuuttussamik aaqqiilertortariaqartut Jakob
Petersen isumaqarpoq.
-
Qaqortumi, Nuummi Ilulissanilu mittarfiit nutaat atulerpata Arctic Umiaq Linep
atorunnaarsinneqarnissaa politikikkut naleqqutinngitsutut isigaarput. Arctic
Umiaq Linep Uummannamut ilaasunik angallassineq nangeqqissagaa isumaqarpugut,
angallassinissamummi pilersaarutit malinneqarnerusarmata.
-
Uummannamut timmisartuussisarnermi periarfissat pillugit misissuineq
naapertorlugu Uummannami mittarfiliortoqarsinnaanngitsoq nalunngilarput.
-
Taamaattumik Naalakkersuisut Uummannamut Uummannamiillu angallannermut
tunngatillugu siunissaq ungasinnerusoq eqqarsaatigalugu aaqqiissutissanik
misissuinerit ingerlaannaq aallartissagaat kaammattorpavut, Jakob Petersen
oqarpoq.
Qinigassani
pitsaanerusoq
Air
Greenland 2021-mi Namminersorlutik Oqartussanik kiffartuussinissamut
isumaqatigiissuteqarmat qulimiguuliutit nutarterneqarput. Qulimiguullit B212-it
ukiut 40-t sinnerlugit pisoqaassusillit qulimiguulinnik H155-inik
taarserneqarlutik. Qulimiguulimmik H155-imik toqqaanermi aningaasaqarnikkut
sinaakkutit iluanni nutaaliaannerpaalluni pitsaanerpaanera pissutaasoq Air
Greenlandimi Piujuartitsinermut Attaveqaqatigiinnermullu pisortap Inga Dora G.
Markussenip Sermitsiamut siusinnerusukkut paasissutissiissutigaa.
H155
timmisartumut B212-imut sanilliullugu ungasinnerusumut, sukkanerusumik
orsussamillu atuivallaarnani timmisinnaavoq.
- Atuutsitsilerneq
naammassivoq, taamaattumillu mekanikerit nalunnginnerulersimavaat,
qanittuminiittumillu ulluinnarni ingerlatsinermi amigaataasinnaasunik
kingoraartissanik toqqorsivimmik pilersitsiartuaarsimallutik..
-
Ingerlatsineq pitsanngoriartuaaginnavippoq 2024-milu akuerineqarsinnaasumik
ingerlalluni. Timmisartortitseqatigiiffinni allatulli kingoraartissanik
pilersuinissaq unammillernarnerpaavoq. - Aserortoqartillugu taarserneqartariaqaraangatalu ajoraluartumik sivisuumik
kingoraartissaanik pissarsiniartarneq nalaattarparput. Tamanna timmisartup
suuneranik peqquteqanngilaq, kisiannili sumiluunniit nunarsuarmi tamanna
atuuppoq, Inga Dora G. Markussenip Sermitsiamut siusinnerusukkut oqaatigaa.
Uummannami
timmisartoq timmisartuutileqatigiiffiup sinneranit teknikkikkut
ajornartorsiuteqarnerunera 2024-p ingerlanerani Air Greenlandip misigaa,
taamaattumillu timmisartoq allamik taarserneqarluni. Tamannalu Uummannami ukiup
nikinneraniilli teknikkikkut ingerlalluarnermut iluaqutaasimavoq.
