Aatsitassanut Avatangiisinut Aqutsisoqarfiup Uummannap Kangerlua aamma Sigguup Nunaa pillugit avatangiisinut nalunaarusiamik suliaqartitsisimavoq, tassani nunap immikkoortuani aatsitassarsiornermik ingerlatsinermi piujuartitsisumik ingerlatsinissamut ilisimasat tunngaviusut nukittorsarneqassallutik.
Nunap immikkoortuini allani avatangiisinut naliliinerit aamma tunuliaqutaasunik misissuinerit pillugit ilisimasat nutaanerpaat katersorneqarnissaat siunertaralugu, avatangiisit uumassusillit pinngortitallu, ilaatigut sumiiffiit illersorneqartut, uumasut ulorianartorsiortut kiisalu pisuussutinik atuineq pillugit nalunaarusiat, Kalaallit Nunaanni sumiiffinni allani aamma nalunaarusiarineqarsimapput.
Aatsitassanut Avatangiisinut Aqutsisoqarfiup Uummannap Kangerlua aamma Sigguup Nunaa pillugit avatangiisinut nalunaarusiamik suliaqartitsisimavoq, tassani nunap immikkoortuani aatsitassarsiornermik ingerlatsinermi piujuartitsisumik ingerlatsinissamut ilisimasat tunngaviusut nukittorsarneqassallutik.
Nunap immikkoortuini allani avatangiisinut naliliinerit aamma tunuliaqutaasunik misissuinerit pillugit ilisimasat nutaanerpaat katersorneqarnissaat siunertaralugu, avatangiisit uumassusillit pinngortitallu, ilaatigut sumiiffiit illersorneqartut, uumasut ulorianartorsiortut kiisalu pisuussutinik atuineq pillugit nalunaarusiat, Kalaallit Nunaanni sumiiffinni allani aamma nalunaarusiarineqarsimapput.
Nalunaarusiani aamma allaatigineqarput mingutsitsinerit qanoq annertutiginersut, sumiiffimmi sumit mingutsitsisoqarsinnaanersoq aamma aatsitassarsiornerup qanoq kinguneqarsinnaanera.
Aatsitassanik Suliassaqarfinnut Avatangiisinut Aqutsisoqarfiup nalunaarusiaq nutaaq augustip 31-at ilanngullugu tusarniaassutigaa. Nalunaarusiami Uummannap Kangerlua aamma Sigguup Nunaanut ilisimasat kingulliit sammineqarput. Ilisimasat aatsitassarsiortut akuersissummik qinnuteqartigatik paaseqqaartariaqagaat.
Soqutigisat akerleriissutaat
Nalunaarusiat ilaatigut aatsitassarsiorfiusunut maanna atuuttunut atuutilersussanullu paasissutissatut sananeqarput. Taakku sumiiffimmi ujarassiuutut, uumassusillit pillugit avatangiisinullu tunngasut immikkut ittut eqqumaffigineqarnissaat anguniarlugu suliarineqarlutik. Aammattaaq sumiiffimmi innuttaasut sumiiffimmik qanoq atuinerat kulturikkullu kingornussassat suut eqqarsaatigineqartariaqarnerat pillugit ilisimasaqalersinneqarput.
Nalunaarusiami maanna tusarniaassutigineqartumi siunissami aatsitassarsiornerup, avatangiisinut tunngasut kulturikkullu kingornussassanut tunngasut akerleriissutaalersinnaasut allaaserineqarput. Taamaattumillu naatsorsuutigineqarpoq nalunaarusiami paasissutissat inerniliussallu siunissami nunap immikkoortuani aaqqissuusseqqinnermut suliniutinut ilanngunneqassasut.
Pilersaarusiukkamik nakkutilliineq
Immikkoortut sisamat pilersaarusiukkamik immikkut nakkutigineqassasut nalunaarusiami inassutigineqarpoq. Siullertut Sigguup Nunaani masarsoqarfiit angisuut pingasut timmissanik assigiinngitsunik arlariinnik peqartut, nerlerit manniliortut mamaartullu takussaallutik. Aappaattut Uummannap eqqaani timmiaqarfik timmissanit qimanneqarsimasoq Salleq appaqarfiusoq nakkutigineqarnissaa pineqarpoq. Pingajuattullu qilalukkat qernertat, qaqortat arfiviillu sumiiffimmi nakkutigeqquneqarput, kiisalu timmissat kangerlummi manniliorfii umiarsuarnik angallannikkulluunniit allatigut akornusersorneqarsinnaanerat eqqumaffigeqquneqarluni.
Nunat tamalaat aatsitassarsiornermik ingerlatseqatigiiffiat Anglo American Exploration Qeqertarsuup avannaata ilaani, Nuussuarmi aamma Sigguup Nunaani misissuinissamut akuersissuteqareerpoq. Aamma Challenge Holding suleqatigalugu Upernavik Kujalliup kujataani (Sornoru) misissuinissamut akuersissuteqarput. Ingerlatseqatigiiffiup nikkel, kanngussammik platin-imillu ujaasineq pingaarnertut ujaaraat.
Nalunaarusiaq ”Uummannap Kangerlua and Sigguup Nunaa (Svartenhuk) – 2024-mi augustip 31-ata tungaanut tusarniaassutigineqarpoq. Taanna Pinngortitaleriffiup Naalagaaffiullu Avatangiisinut Nukissiuutinullu ilisimatusarfianit kiisalu Aatsitassanik Suliassaqarfinnut Avatangiisinut Aqutsisoqarfik suliarineqarpoq.
