Vittusip aatsitassarsiorneq annertusarniaraa

Aatsitassanut Naalakkersuisup Vittus Qujaukitsup PDAC pillugu Torontomi ataatsimeersuartoqarmat, Kalaallit Nunaat pillugu oqallittoqarnerani nalunaaruteqarpoq, aatsitassarsiornerit amerlanerit aallartinneqassasut

Trine Juncher Jørgensen

Published 3 March 2020 - 06:04

Annonse

PDAC pillugu Torontomi ataasinngormat ataatsimeersuartoqarmat, Kalaallit Nunaannut tunngatillugu ingerlatseqatigiiffit oqaaseqartinneqarmata, Namminersorlutik Oqartussat Hudson Resourcesimit, Greenland Minerals Ltd.-imit, Tanbreezimit, AEX Goldimit aamma Ironbarksimit nersualaarneqarput. Ingerlatseqatigiiffinnit maluginiarneqarsimavoq, aqutsisunik oqaloqateqarniarneq pitsaanerulersimasoq, aamma Aatsitassanut Naalakkersuisumit Vittus Qujakitsumit, piiaanissamut akuersissutinik tunniussisarnerup sukkanerulersinneqarsinnaanik oqaaseqartumit tapersersorneqarluarlutik misigisimapput.

Et af de selskaber, som har ventet længe på en udnyttelsestilladelse er australske Tanbreez med Greg Barnes ved roret. Men nu blæser der nye vinde over Sydgrønland

– Aatsitassarsiortut nunatsinniiginnartinniarlugit aatsitassarsiorneq sukkanerusumik ingerlakkusupparput. Taamaalillutik aningaasaliissuteqartartut aatsitassarsiortullu tigussaasumik angusaqarnissamik pisariaqartitsisut tatiginninnerulissapput, Vittus Qujaukitsoq oqarpoq, ilaatigullu innersuussutigalugu Fraser Instituti nunat aatsitassarsiorfigissallugit pilerigineqartut allattorsimaffianni Kalaallit Nunaannik samungarsuaq inissiisimasoq, tassani piiaanissamut akuersissutinik tunniussisoqarpiartoqarneq ajornera pissutigalugu.

Oqaloqatiginninnerulersimaneq

– Imaassinnaavoq suliniutit piviusunngortinneqarnissaannut inatsisivut allaffissornerpullu paasiuminaappallaartut. Aatsitassarsiorfiit piiaanissamut akuersissutinik qinnuteqaataannik sukkanerusumik suliaqartalernissaq anguniarlugu ingerlatseqatigiiffiit oqaloqatiginerusalereerpavut. Arlallit naammaginninnginnerat nukillaajummertarnerallu paasilluarsinnaavara. Aatsitassarsiornernik aallartitsisannginnitta, ineriartortitsisinnaanerput, suliffinnik nutaanik pilersitsisinnaanerput , taamalu inuiaqatigiinni pisariaqartilluinnakkavut akileraarutitigut isertitaqarsinnaanerput sunnertarpai, Vittus Qujaukitsoq oqarpoq.

Årets råstofselskab blev det australske selskab Greenfield Exploration, der dog ikke var tilstede for at modtage prisen. Selskabet er nyt i Grønland, men har det seneste år sat turbo på efterforskningen af kobber i Østgrønland.

Ingerlatseqatigiiffiit piiaanissamut akursissumik sivisuumik utaqqisimasut ilagaat ingerlatseqatigiiffit Australiameersoq, Tanbreez, taanna Kommuni Kujallermit najukkamilu innuttaasunit tapersersorneqarluarpoq, Vittus Qujaukitsorlu naapertorlugu, ingerlatseqatigiiffik piiaanissamut akuerssummik tunineqariaannanngulerpoq.

Tusarniaaneq

– Susassaqartut tamaasa oqaloqatigiuarpakka, suliallu sukkanerusumik suliarineqartarnissaat kissaatigalugu. Tamatuma qaqugu pisinnaaneranut apeqqutaavoq, upernaap ingerlanerani piiaanissamut akuersissummik qinnuteqartoqassanersoq, taamaalilluta tamanut tusarniaaneq piviusunngortitsinissamullu suliaq aallartissavarput. Soorunami inatsisivut malillugit, ingerlatseqatigiiffiilli inatsisitsinnik malinninnissaat upperilluinnarpara.

Ingerlatseqatigiiffiit Kalaallillu Nunaat pillugu oqaaseqartut saqqummiussereermata Dansk Erhverv, Aatsitassanut Naalakkersuisoqarfik aamma Udenrigsministeriets Handelsråd ilassinnipput, tassani ukiumi aatsitassarsiorfimmik toqqaasoqarluni. Ukiumi aatsitassarsiorfittut toqqarneqarpoq, Australiamiut ingerlatseqatigiiffiutaat Greenland Exploration, Tunumi kanngussaanik misissuisoq.

Mange var mødt frem til reception arrangeret af Dansk Erhverv, Departementet for Råstoffer og Udenrigsministeriets Handelsråd.

Ukioq manna PDAC-mut danskit/kalaallit peqataatitaat tassaapput suliffeqarfiit 29-t inuillu 53-it. Ataatsimeersuarnermut Kalaallit Nunaat Danmarkilu tallimassaat peqataapput, nunanit 132-usunit inuit 25.000-inik amerlanerusutpeqataapput.

inuussutissarsiutit