Royal Greenlandip suliffeqarfiutimini
saattuanik tunisassiortumi A & L Seafoodimi, Canadap kangiani Nova
Scotiamiittumi, piginneqataassutimi 51 procentii tunivai. Pisisut tassaapput
nunap inoqqaavi Wagmatcook.
Wagmatcook Cape Bretonimi Nova Scotiamiittumi
nunap inoqqaavisa Mikmaq-it sisamaasut ilagaat.
Royal Greenlandip suliffeqarfiutimini
saattuanik tunisassiortumi A & L Seafoodimi, Canadap kangiani Nova
Scotiamiittumi, piginneqataassutimi 51 procentii tunivai. Pisisut tassaapput
nunap inoqqaavi Wagmatcook.
Wagmatcook Cape Bretonimi Nova Scotiamiittumi
nunap inoqqaavisa Mikmaq-it sisamaasut ilagaat.
Nunap inoqqaavisa taamaalillutik
tunisassiorfimmi anginngitsumi piginneqataassutsit amerlanerussuteqartut
pigilerpaat, Royal Greenlandip piginneqataassutsit 49 procentii pigiinnarai. Tamanna
Royal Greenlandip ukiumoortumik nalunaarusiaani 2024-moortumi allassimavoq.
- Wagmatcook ukiualunni
attaveqaqatigilluartarlugillu suleqatigilluarnikuuagut. Tunisassiorfimmi
piginneqataalerusummata piginneqataassutit amerlanerussuteqartut siorna juunimi
tunivagut, Royal Greenlandimi pisortaanerugallartoq Preben Sunke oqarpoq.
Royal Greenland 2019-ip 2024-llu akornanni
tunisassiorgimmi 100 procentimik piginnittuusimavoq. Suliffeqarfissuaq piginneqataassutit
tunineqarneratigut 90 millionot koruuninik pissarsivoq, pisortaaneq
ilisimatitsivoq.
Nunap inoqqaavinit pigineqartoq
Najukkami aalisartut A&L Seafoodsimut
tunineqartartunik saattuarniartarput.
- Najukkami aalisartunut
innuttaasunullu siuarsaaqataanissatsinnik siunertaqarnitsinnut naapertuummat Wagmatcookilu
suleqatigilluarusukkatsigu piginneqataassutit Wagmatcookimut tunissallugit
aalajangerpugut, Preben Sunke oqarpoq.
Suliffeqarfik Clearwater Seafoods Nova
Scotiamiittoq aalisakkerinermik suliffeqarfinni nunap inoqqaavinit
pigineqartuni nunarsuarmi annersaat ilaanniippoq.
Ingerlatseqatigiiffiup affaa Mikmaq nunap
inoqqaavinit arfineq-marlunnit Nova Scotia-meersunit Newfoundlandimeersunillu,
2021-mi Clearwater-imi piginneqataalersunit, pigineqarput.
