Aajap kaffillernerani peqataasorpassuaqartoq
Aaja Chemnitzip Folketingimi ukiuni qulini ilaasortaanerminik nalliuttorsiorneranut atatillugu pingasunngornermi ualikkut kaffillertoqarpoq.
Aaja Chemnitz pingasunngornermi Borgenimi kaffillerpoq. Ministerit Folketingimilu ilaasortat arlallit, ilaatigut suliffeqarnermut ministeri Ane Halsboe-Jørgensen, peqataapput.
Assi: Trine Juncher Jørgensen
Aaja Chemnitz 2015-imi juunip 18-ianni Inuit Ataqatigiit
sinnerlugit Folketingimut ilaasortanngoqqaarpoq.
Ukiut qulinngortorsiornera
pingasunngormat Snapstingimi kaffisoqatigiinnermik nalliuttorsiutigineqarpoq,
amerlasuullu takkupput, ilaatigut Folketingimut ilaasortat ministerillu
arlallit, suleqatatit aamma soorunami Aaja Chemnitzip ikinngutai ilaqutaalu.
Inuit 100-nit 150-it pallillugit kaffillernermi Folketingimi pingasunngornermi ualikkut ingerlanneqartumi peqataapput.
Assi: Trine Juncher Jørgensen
– Tulluusimaarutigeqaara. Oqaaseqarneq ajormat Meeqqat atuarfianni
ilinniartitsisuisa karakterilersinnaanagu oqarsimanerat eqqaallugu.
Ullumikkummi oqaluttaqaaq. Sulininilu ulapputigiuaannaramiuk ilaannikkut
nunarsuarmi allanik takusassaqartoq oqarfigisariaqartarpoq, arnaa Jette Larsen
oqarpoq.
– Tulluusimaarutigeqaara, arnaa Jette Larsen oqarpoq
Assi: Trine Juncher Jørgensen
Inuttut pissuserissuusoq
Aaja Chemnitz nammineq, SF-ip siulittaasua Pia Olsen Dyhr allattoqarfimmilu
sulisut oqalugiarput. Aaja Chemnitzip suleqataasinnaanera, Kalaallit Nunaannut
aningaasanik katersuisinnaanera inuttullu pissuserissuunera oqalugiaatini
takkuttunilu arlaleriarluni erseqqissarneqarpoq:
– Isumaqarpunga suleqatigiuminarluinnartoq, Kalaallillu Nunaata
Danmarkillu akornanni aaqqiagiinngissutit suunersut eqqorluartumik
oqaluttuarisinnaallugillu Kalaallit Nunaanni ajornartorsiutit oqaluttuarisinnaavai.
Tusarnaallaqqissuuvoq, eqqorluartumillu aaqqiissutissarsiorsinnaalluni,
Socialdemokratit sinnerlugit Folketingimut ilaasortaq Leif Lahn Jensen oqarpoq,
taannalu Anni Matthiesen, Venstremeersoq, Aaja Chemnitzimik ukiorpassuarni
suleqateqarsimasoq, peqatigalugu peqataavoq.
– Isumaqarpunga suleqatigiuminarluinnartoq, Kalaallillu Nunaata Danmarkillu akornanni aaqqiagiinngissutit suunersut eqqorluartumik oqaluttuarisinnaavai, Socialdemokratit sinnerlugit Folketingimut ilaasortaq Leif Lahn Jensen oqarpoq, taannalu Anni Matthiesen, Venstremeersoq ilagalugu peqataavoq.
Assi: Trine Juncher Jørgensen
– Aaja inuttut nuannertaqaaq
pitsaasuullunilu. Qanorlu isumaqarnersoq qularutigineqanngisaannarpoq. Aajami
inuttut suleqatigiuminartuummat maaniittut ikittuinnaat kamaassinnaagaat
sapiiserlunga oqarsinnaavunga.
Oqalugiartut saniatigut Uummannaq Kids erinarsorput.
Uummannaq Kids kaffillernermi erinarsorput.
Assi: Trine Juncher Jørgensen
