KL

DK

UNNIA

Aallussilluartoq nersornaaserneqartoq

Nunatta Katersugaasiviani Allagaateqarfianilu katersugaasivilerisoq Inge Bisgaard European Heritage Awardimik nersornaaserneqarpoq.
Paninnguaq Steenholdt
Paninnguaq Steenholdt Tusagassiortoq
Saqqummersinneqarpoq

Inge Bisgaard, Nunatta Katersugaasiviani Allagaateqarfianilu katersugaasivilerisoq Europami Kommissionip aamma Europa Nostrap 2025-mi kulturikkut kingornussarsianut nersornaasiuttagaannik nersornaaserneqarpoq. Katersugaasivik Facebookimi quppernermini taama nalunaaruteqarpoq.

Nersornaat kulturikkut kingornussassat pillugit Europami nersornaasiuttagaavoq ataqqisaasut ilaat, taannalu Europami kingornussanik attassiinnarnissamut, siuarsaanermut ingerlatitseqqiisarnermullu tunngasunut suliniutinut, inunnut iliuuserineqartunullu nersorinnissutaasarluni.

- Nersornaat Europami Kommissionip aamma Europa Nostrap tunniuttagaa Kalaallit Nunaanni illut kulturikkut kingornussat ukiuni arlalinni illersorniarlugit suliniuteqarsimanera pillugu tunniunneqarpoq, Nunatta Katersugaasivia Allagaateqarfialu allappoq.

Nersornaaserneqarneq Hans Egedep Illuani Nuummiittumi septembarip 26-ani nalliussineqarpoq. Bronze allagartaq tunniunneqarpoq Nunattalu Katersugaasiviani nivinngarneqarumaarluni.

nunatta katersugaasivia allagaateqarfialu kultur europami kingornussarsiuutit nersornaasiuttagaat unnia

Atorfiit tamaasa takukkit

– Se alle jobs

Powered by Labrador CMS