KL

DK

Arctic Sounds nipilersukkanik assigiinngisitaartunik imalik – Sisimiunut Pride uterpoq

Sisimiuni nipilersornermik festivali nuannarineqarluartoq Arctic Sounds sisamanngornermi nal. 16.00 pisortatigoortumik ammarneqassaaq. Ukioq manna festivali nipilersortunit Nuka Alice Lundimit, Athena Lingsimit aamma TIU-mit ammarneqassaaq, apriilillu 21-ata tungaanut ingerlassalluni.

Tôrtia Reimer-Johansen
Journalist
Offentliggjort

Ukioq manna scenemi Brett Perkens, Nuunu, Ujarock, Kuuna aamma Tarrak ilaatigut tusarnaarneqarsinnaassapput. Pilersaarutit malillugit tusarnaartitsinerit workshopsillu pissapput.

Pilersaarut tamakkiisoq Arctic Soundsip nittartagaani takuneqarsinnaavoq.

Pride Parade

Nipilersorneq kisimi ukioq manna ukkatarineqassanngilaq. 2016-imi kingullermik sammineqartoq, Pride Parade kingumut Sisimiunut uteqqippoq. Tassani Sipineq + suleqatigalugu aaqqissuuneqassalluni, ilaatigut aamma workshoppertitsisoqassalluni.

- Isumaqaratta pingaaruteqartoq nammineq kinaassuseq atorlugu akuusoqarsinnaasoq. Pride Paradep takutippaa namminiussuseq atorlugu akuusoqarsinnaasoq - tamarmillu inuit inissaqartut, Laura Lennert Jensen Sermitsiamut oqarpoq.

Taassuma ilanngullugu oqaatigaa LGBT+-it nunarsuarmi suli immikkoortinneqarlutik aaqqissuussaanikkullu naqisimaneqarlutik misigisaraat, festivalimilu tamanna akiorniarneqarpoq.

Arctic Sounds apriilip 21-ata tungaanut pissaaq.

kultur

Atorfiit tamaasa takukkit

– Se alle jobs

Powered by Labrador CMS