Tassa Ivalo Frank Arnarulunnguaq ilisimaneqarneruleqqullugu ”Little Big Woman”-imik taallugu filmiliorniarpoq, ilaatigut filmiliortartoq nunatsinneersoq Hanne M. Sørensen Danmarkimilu filmiliortartuni nuimanersat ilaat Steen Herdel (ilaatigut ”En forårsdag i helvede”-mik filimilortuusoq) allallu soorlu immikkut ilisimasallit siunnersortillu suleqatigalugit; Arnarulunnguarmi Knud Rasmussenip ”Den Store Slæderejse”-mik taallugu Avanersuarmi 18.000 kilometeritut isorartutigisukkoorluni tallimassaanik ilisimassarsiorluni angalaneranut pingaaruteqarluinnarsimavoq.
Ivalo Frank Nuummi 1975-imi inunngorpoq eqqumiitsuliornerullu, taalliornerup nipilersornerullu silarsuaannut tunngasunik arlalinnik filmiliaqarnikuulluni. Kalaallit filmiliaat ukkatarineqarneruleqqullugit Greenland Eyes International Film Festival 2011-mi aamma pilersippaa. Piviusulersaarusiamik takkajaamik 2022-mi aamma saqqummersitserngaarpoq, ateqarporlu ’Siunissaq – det sidste menneske’.
Tassa Ivalo Frank Arnarulunnguaq ilisimaneqarneruleqqullugu ”Little Big Woman”-imik taallugu filmiliorniarpoq, ilaatigut filmiliortartoq nunatsinneersoq Hanne M. Sørensen Danmarkimilu filmiliortartuni nuimanersat ilaat Steen Herdel (ilaatigut ”En forårsdag i helvede”-mik filimilortuusoq) allallu soorlu immikkut ilisimasallit siunnersortillu suleqatigalugit; Arnarulunnguarmi Knud Rasmussenip ”Den Store Slæderejse”-mik taallugu Avanersuarmi 18.000 kilometeritut isorartutigisukkoorluni tallimassaanik ilisimassarsiorluni angalaneranut pingaaruteqarluinnarsimavoq.
Ivalo Frank Nuummi 1975-imi inunngorpoq eqqumiitsuliornerullu, taalliornerup nipilersornerullu silarsuaannut tunngasunik arlalinnik filmiliaqarnikuulluni. Kalaallit filmiliaat ukkatarineqarneruleqqullugit Greenland Eyes International Film Festival 2011-mi aamma pilersippaa. Piviusulersaarusiamik takkajaamik 2022-mi aamma saqqummersitserngaarpoq, ateqarporlu ’Siunissaq – det sidste menneske’.
Naalagaaffiup katersugaasiviani Københavnimiittumi (Nationalmuseet, aaqq.) nakkutilliisuuneq Ivalo K.B.F. Olsvig, qarasaasiakkut titartakkanik aalasuliortartoq Jakob Maqe, atuakkiortoq Lisbeth Valgreen filimiliortartorlu Bill Bering Ivalo Frankip ”Little Big Woman”-imik filmiliornerani suleqataasussanut ilaapput. Filmiliaa allagaateqarfissuarmeersunik Arnarulunnguullu nammineq titartarsimasai assilillugit qarasaasiakkut tartaanikkut aalasulianik imaqassasoq pilersaarutaavoq. Immiussillutik Qaanaami ukiaru aallartissangapput, 2026-milu septembarimi immiussiunnaassangallutik.
Maligassiuisoq
Niviarsiaqqat arnallu inuusuttut filmimut isiginnaartorerusunneqarput, Ivalo Frank, Arnarulunnguup niviarsiaqqanut inuusuttuaqqanut ”nunarsuarmut appakaallutik oqaaseqartalersussanut, isummertalersussanut, misigisaqartalersussanut iliuuseqartalersussanullu” maligassiuisuuneranik isumaqartoq, ilisimatitsivoq.
- Arnanut inuusuttunut pitsaasumik pilersitsinissarput neriuutigaarput, Ivalo Frank AG-mut oqarpoq.
Arnarulunnguaq pillugu filmi Knud Rasmussenip saniatigut – matumani arnamik – issittumi paasisassarsiornermi peqataasoqarnikuuneranik ilisimasanik annertusaaqataassammat filmi qassinilluunniit ukiulinnut aamma saaffiginnittuusoq ilitsersuisoq isumaqarpoq.
- Knud Rasmussen pillugu allaaserisarpassuaqarpoq, arnarli ilaasoq pillugu oqaluttuanik amigaateqarpugut. Arnarulunnguaq suliniutip iluatsinneranut tunngavileeqataavoq, minnerunngitsumik naasut pillugit ilisimasani inuunermullu pingaarutilimmik suliaqarnini pissutigalugit, Ivalo Frank erseqqissaavoq.
